উত্তৰাখণ্ডৰ আয়ুৰ্বেদ আৰু ইউনানী লাইচেন্সিং অথৰিটিয়ে দিব্যা ফাৰ্মাচীক একাধিক ঔষধ নিৰ্মাণ বন্ধ কৰিবলৈ নিৰ্দেশ দিছে। ৰামদেৱৰ দ্বাৰা পৰিচালিত পতঞ্জলিৰ ঔষধ এই ফাৰ্মাচীত তৈয়াৰ কৰা হয়। সেই ঔষধৰ দ্বাৰা ৰক্তচাপ, ডায়েবেটিচ, গইটাৰ, গ্লুকোমা, উচ্চ কলেষ্টেৰল আৰোগ্য হোৱাৰ দাবী কৰা হয়।
নিষিদ্ধ কৰা ঔষধকেইটাৰ নাম হৈছে বিপিঘৃত, মধুঘৃত, থাইৰোঘৃত, লিপিডম, আইঘৃত গোল্ড টেবলেট। লগতে দাবী কৰা হৈছে যে এই ঔষধবোৰৰ ক্ষেত্ৰত দিয়া বিজ্ঞাপনো উপযুক্ত নহয়। কেৰালাৰ চকু বিশেষজ্ঞ কে ভি বাবুয়ে এই সন্দৰ্ভত এটা অভিযোগ দাখিল কৰিছিল।
লগতে পঢ়ক: আতচবাজী কাৰখানাত ভয়াৱহ বিস্ফোৰণ: তিনি কৰ্মচাৰী নিহত, এগৰাকী সন্ধানহীন
ইপিনে, কৰ্তৃপক্ষই পতঞ্জলিৰ পৰা এই পাঁচটা ঔষধ কিহৰ দ্বাৰা তৈয়াৰ কৰা হৈছে তাৰ ব্যাখ্যা বিচাৰিছিল। নতুনকৈ অনুমোদন লোৱাৰ নিৰ্দেশ দিয়া হৈছিল। স্বাস্থ্য বিভাগে কৈছে যে তেওঁলোকে পুনৰ অনুমোদন পোৱাৰ পিছতহে এই ঔষধ প্ৰস্তুত কৰিব পাৰিব, তাৰ আগতে নহয়।
আনহাতে, ৰাজ্যৰ স্বাস্থ্য বিভাগেও আপত্তিজনক বিজ্ঞাপনসমূহ আঁতৰাবলৈ নিৰ্দেশ দিছে। লগতে কোম্পানীটোৱে অনুমোদন পোৱাৰ পিছতহে বিজ্ঞাপন দিব পাৰিব বুলি জনোৱা হৈছে। যদি ইয়াক নামানে তেতিয়া এইবাৰ অনুজ্ঞাপত্ৰ বাতিল কৰা হ’ব বুলিও কোৱা হৈছে।
লগতে পঢ়ক: ডেংগুৰ সংহাৰী ৰূপ: একেদিনাই নতুনকৈ সংক্ৰমিত ৯১ গৰাকী
আয়ুৰ্বেদিক আৰু ইউনানী বিষয়াসকলৰ নেতৃত্বত এটা দলেও এসপ্তাহৰ ভিতৰত অঞ্চলটো পৰিদৰ্শন কৰিব। অৱশ্যে পতঞ্জলিৰ ফালৰ পৰা এই সন্দৰ্ভত এতিয়ালৈকে কোনো আনুষ্ঠানিক মন্তব্য প্ৰকাশ কৰা নাই।
