বজাৰলৈ আহি আছে Vespa Facelift VXL আৰু SXL মডেলৰ দুখন স্কুটী। Piaggio Indiaই স্কুটী দুখনৰ প্ৰি-বুকিং ইতিমধ্যে আৰম্ভ কৰিছে।
স্কুটী দুখনৰ এই মডেল 125 CC আৰু 150 CC ইঞ্জিনত পোৱা যাব।
ভাৰতৰ বজাৰত আৰু কেইদিনমানৰ ভিতৰতে স্কুটী দুখন মুকলি কৰা হ’ব।
ডিজাইনৰ ফালৰ পৰা এই Vespaত কোনো সুৰুঙা নাই।
সাধাৰণ গ্ৰাহকৰ সুবিধাৰ প্ৰতি লক্ষ্য ৰাখি Piaggio Indiaই Vespa Facelift VXL আৰু SXL মডেল দুটাত বহুতো আকৰ্ষণীয় ফিচাৰ সংযোগ কৰিছে।
স্কুটাৰ দুখনত উন্নত মানৰ মন’ কক ফুল ষ্টীল বডিৰ লগতে দুয়োটা মডেলতেই হাই ডেফিনেশ্যন কালাৰ ৰখা হৈছে।
তদুপৰি, স্কুটাৰ দুখনত আছে এন্টি লক ব্ৰকিং চিষ্টেম। LED headlight, DRLs আৰু USB charging portৰ সংযোগে অসাধাৰণ কৰি তুলিছে এই স্কুটী দুখনক।
Vespa ছিৰিজৰ এই নতুন স্কুটাৰ দুখনত দিয়া হৈছে BSVI ইঞ্জিন। ইয়াৰ ফলত এই স্কুটীৰ পৰা প্ৰদূষণৰ পৰিমান কম হ’ব।
ইতিমধ্যে, এই স্কুটাৰৰ বুকিং আৰম্ভ হৈছে। মাত্ৰ ১,০০০টকা দি বুকিং কৰি ঘৰলৈ আনিব পাৰিব এই স্কুটী।
Vespa Facelift VXL আৰু SXL মডেলৰ স্কুটী দুখনৰ প্ৰি-বুকিং সকলো ডিলাৰৰ পৰা কৰিব পৰা যাব।
আনহাতে, Vespa Facelift VXL150 ৰ দাম পৰিব ১.২১লাখ টকা। সেইদৰে, SXL150 ৰ দাম আৰম্ভ হৈছে ১.২৫ লাখ টকাৰ পৰা।
ইপিনে, Vespa Facelift VXL আৰু SXL125 মডেলৰ দাম পৰিব ক্ৰমে ১.০৮লাখ টকা আৰু ১.১২ৰপৰা ১.১৪লাখ টকা।
