গণৰাজ্য দিৱসৰ প্ৰাকক্ষণত ৰাজ্যৰ আৰক্ষী বাহিনীলৈ গৌৰৱ কঢ়িয়াই আনিছে কোকৰাঝাৰৰ উপ আৰক্ষী মহাপৰিদৰ্শক ভায়োলেট বৰুৱাৰ লগতে আন ১৩ গৰাকী আৰক্ষীৰ লোকে।
আৰক্ষী বাহিনীত আগবঢ়োৱা বিশিষ্ঠ সেৱাৰ বাবে ৭২ সংখ্যক গণৰাজ্য দিৱসত ৰাষ্ট্ৰপতিৰ আৰক্ষী পদকেৰে বিভূছিত কৰা হ’ব বৰুৱাক।
আজি ৰাষ্ট্ৰপতি ভৱনৰ এক বিশেষ সূত্ৰই অসমৰ ভায়োলেট বৰুৱাৰ লগতে আন ১৩ গৰাকী আৰক্ষীৰ লোকক ৰাষ্ট্ৰপতিৰ আৰক্ষী পদক আগবঢ়োৱাৰ কথা ঘোষণা কৰে।
আৰক্ষী বাহিনীলৈ আগবটোৱা সেৱাৰ বাবে ৰাষ্ট্ৰপতিৰ পদক লাভ কৰা আন আৰক্ষীৰ লোকসকল হৈছে ক্ৰমে ধেমাজী লিকাবালিত কৰ্মৰত ২২ নং অসম বেটেলিয়নৰ কমাণ্ডেণ্ট মোছলেহ উদ্দিন আহমেদ,দৰঙৰ আৰক্ষী অধীক্ষক অমৃত ভূঞা,দেৰগাঁও আৰক্ষী প্ৰশিক্ষণ মহাবিদ্যালয়ৰ অধ্যক্ষ দেৱাশীষ শৰ্মা,গোৱালপাৰাৰ আৰক্ষী অধীক্ষক সুশান্ত বিশ্ব শৰ্মা, গোলাঘাটৰ আৰক্ষী পৰিদৰ্শক দীপক বড়া,শিলচৰৰ আৰক্ষী উপ-পৰিদৰ্শক ইমাম উদ্দিন চৌধুৰী,গুৱাহাটীৰ উপ-পৰিদৰ্শক ডিম্ব ৰাম তেৰাং,কাচাৰৰ সহকাৰী উপ-পৰিদৰ্শক নিৰঞ্জন দাস,কাচাৰৰ আৰক্ষী বিষয়া আনোৱাৰ হুছেইন বৰভূঞা, গুৱাহাটীৰ কনিষ্টবল পংকজ মহন্ত, গুৱাহাটীৰ কনিষ্টবল জীতেন্দ্ৰ কুমাৰ সিং যাদৱ, গুৱাহাটীৰ কনিষ্টবল হেমেন দাস আৰু কোকৰাঝাৰৰ কনিষ্টবল অনিল ৰাজবংশী।