ভাৰতীয় ক্ৰিকেট দলৰ প্ৰাক্তন বিশ্বকাপ বিজয়ী অধিনায়ক মহেন্দ্ৰ সিং ধোনী আৰু বৰ্তমানৰ অধিনায়ক বিৰাট কোহলীৰ অধিনায়কত্ব সন্দৰ্ভত মত ব্যক্তি কৰিছে ভাৰতীয় দলৰ প্ৰাক্তন বেগী বলাৰ অজিত আগৰকাৰে।
ধোনী আৰু বিৰাট কোহলীৰ নেতৃত্ব সম্পৰ্কত মত ব্যক্ত কৰি ধোনীয়ে কৌশলগতভাৱে স্পীন বলিঙৰ ওপৰত অধিক বিশ্বাস ৰখাৰ বিপৰীতে কোহলীয়ে বেগী বলাৰৰ ওপৰত অধিক আস্থা প্ৰকাশ কৰে বুলি মত ব্যক্ত কৰে।
আনহাতে, কোহলীয়ে বেগী বলাৰ সকলৰ ওপৰত ৰখা বিশ্বাসৰ বাবে ভাৰতীয় ক্ৰিকেট দলৰ শেহতীয়াভাৱে বিদেশৰ মাটিত খেলা খেল সমূহৰ ফলাফলতো ইয়াৰ প্ৰভাৱ স্পষ্ট হৈ পৰিছে বুলি আগৰকাৰে মত ব্যক্ত কৰে।
উল্লেখযোগ্য যে, ইয়াৰ পূৰ্বে অজিত আগৰকাৰে বিৰাট কোহলীয়ে টেষ্ট ক্ৰিকেটৰ পৰা অৱসৰ গ্ৰহণ কৰাৰ পূৰ্বে টেষ্টত ত্ৰিশতৰাণ অর্জন কৰিব লাগে বুলিও মত প্ৰকাশ কৰিছিল।
ভাৰতীয় ক্ৰিকেট দলৰ অন্যতম শ্ৰেষ্ঠ অধিনায়ক মহেন্দ্ৰ সিং ধোনীয়ে বিগত ১৫ আগষ্টত আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰিছিল।