আইপিএল-২০২৩ আৰম্ভ হোৱাৰ পূৰ্বে বিৰাট কোহলীৰ ভাইৰেল দশম শ্ৰেণীৰ মাৰ্কশ্বীটে ছ’চিয়েল মিডিয়াত ধুমুহাৰ সৃষ্টি কৰিছে। স্কুলীয়া ছাত্ৰ হিচাপে তাৰকা ক্ৰিকেটাৰসকল কিমান চোকা আছিল সেই কথা জানিবলৈ বহুতেই আগ্ৰহী। খেলুৱৈ হিচাপে শীৰ্ষত অৱস্থান কৰা তাৰকা খেলুৱৈ পঢ়া-শুনাত কিমান ভাল আছিল সেই কথা জানিব বিচৰাটোৱে স্বাভাৱিক।
কিন্তু বিৰাট কোহলীয়ে এইদৰে যে অনুৰাগীৰ আগ্ৰহ পূৰণ কৰিব, সেয়া কোনেও কল্পনা কৰা নাছিল। কোহলীয়ে নিজেও বিগত সময়ত কৈছে যে স্কুলত পাছ কৰা নম্বৰ পাবলৈ তেওঁ যিমান কষ্ট কৰিছিল ক্ৰিকেটাৰ হিচাপে প্ৰতিষ্ঠা কৰিবলৈ সিমান কষ্ট কৰা নাছিল।
লগতে পঢ়ক: সংকটত প্ৰাক্তন ৰাষ্ট্ৰপতি! পৰ্ণ তাৰকাক মুখ বন্ধ কৰিবলৈ ধন দিয়া গোচৰত অভিযুক্ত ড’নাল্ড ট্ৰাম্প
ভাৰতীয় ক্ৰিকেটৰ ৰান মেচিনলৈ পৰিণত হোৱাৰ আগতে কোহলীয়ে অন্ততঃ গণিতত পাছ মাৰ্ক লাভ কৰিবলৈ কিমান কছৰৎ কৰিবৱলগীয়া হৈছিল সেয়া কোহলীয়ে নিজেই বুজাই দিলে।
আই পি এলত খেলত নমাৰ পূৰ্বে বিৰাটে নিজৰ দশম শ্ৰেণীৰ মাৰ্কশ্বীট ছ’চিয়েল মিডিয়াত পোষ্ট কৰিছিল, যিটো মুহূৰ্ততে ইণ্টাৰনেটত ভাইৰেল হৈ পৰে। দশম শ্ৰেণীত কোহলীয়ে গণিতত মুঠ ৫১ নম্বৰ লাভ কৰে। সমাজ বিজ্ঞানত ৮১ নম্বৰ পাইছে। ইংৰাজী আৰু হিন্দীত তেওঁৰ নম্বৰ ক্ৰমে ৮৩ আৰু ৭৫। বিজ্ঞান আৰু প্ৰযুক্তিত কোহলীয়ে মাত্ৰ ৫৫ ৰানহে লাভ কৰিছে।
লগতে পঢ়ক: গুৰগাঁৱত গাড়ীৰ ভিতৰতে বন্ধুৰ ধৰ্ষণৰ বলি অসমৰ মহিলা; অভিযুক্তক আটক
কোহলীৰ মাৰ্কশ্বীটত বিষয় আৰু প্ৰশ্ন চিহ্নৰ ঠাইত ৰঙা আখৰেৰে ক্ৰীড়া দেখুওৱা হৈছে, যিটো হয়তো কোহলীয়ে সম্পাদনা কৰিছে। আচলতে তেওঁ বুজাব বিচাৰিছিল যে স্কুলৰ বিষয় হিচাপে গুৰুত্বপূৰ্ণহীন আছিল খেলা-ধূলা। বিৰাটে ইংগিতসূচক ভাষাত ছবিখনৰ কেপচনো দিছে। তেওঁ লিখিছে, “মজাৰ কথাটো হ’ল যে মাৰ্কশ্বীটত যিবোৰ কথা গুৰুত্বপূৰ্ণ নহয়, সেইবোৰ কথা প্ৰায়ে চৰিত্ৰ গঠনত গুৰুত্বপূৰ্ণ হৈ পৰে।”
Virat Kohli's 10th class marksheet. pic.twitter.com/FNuCbUPsTB
— Mufaddal Vohra (@mufaddal_vohra) March 30, 2023
বৰ্তমান ৰয়েল চেলেঞ্জাৰ বাংগালুৰুৰ বাবে আই পি এলৰ প্ৰস্তুতিত ব্যস্ত বিৰাট কোহলী। ৩১ মাৰ্চৰ পৰা আৰম্ভ হ’ব আই পি এল। প্ৰতিযোগিতাখনৰ তৃতীয় দিনা ২ এপ্ৰিলৰ পৰা ৰয়েল চেলেঞ্জাৰছ বাংগালুৰুৰ অভিযান আৰম্ভ হ’ব।
