ভাৰতীয় বেটছমেন অবিহনেই ৱাছিম জাফাৰে নিৰ্বাচিত কৰিলে সৰ্বশ্ৰেষ্ঠ টি-২০ একাদশ

ভাৰতীয় টেষ্ট দলৰ প্ৰাক্তন অপেনিং বেটছমেন ৱাছিম জাফাৰে সোমবাৰে নিৰ্বাচিত কৰিছে সৰ্বশ্ৰেষ্ঠ টি-২০ একাদশ। আশ্চৰ্যকৰ বিষয় এইটোৱে যে তেওঁ নিৰ্বাচিত কৰা দলত কোনো এজন ভাৰতীয় বেটছমেনেই স্থান পাবলৈ সক্ষম নহ’ল।

জাফাৰৰ একাদশত প্ৰত্যেক দেশৰ পৰাই একো একোজনকৈ ক্ৰিকেটাৰ নিৰ্বাচিত কৰা হৈছে। ভাৰতৰ পৰা নিৰ্বাচিত কৰা একমাত্ৰ ক্ৰিকেটাৰগৰাকী হ’ল বৰ্তমান সময়ৰ ভয়াবহ বলাৰ হিচাপে পৰিচিত জশপ্ৰীত বুমৰাহ।

বিৰাট কোহলি, ধোনীৰ দৰে খেলুৱৈক স্থান দিয়াৰ বিপৰীতে পাকিস্তানৰ বাবৰ আজমক স্থান দিয়াক লৈ বহুতো ক্ৰিকেট বিশেষজ্ঞই জাফাৰক সমালোচনা কৰা পৰিলক্ষিত হৈছে।

জাফাৰে অপেনিং যুটী হিচাপে অষ্ট্ৰেলিয়াৰ ডেভিদ ৱাৰ্ণাৰ আৰু পাকিস্তানৰ বাবৰ আজমক নিৰ্বাচিত কৰিছে। তিনি নম্বৰত নিউজিলেণ্ডৰ অধিনায়ক কেন উইলিয়ামছ আৰু চতুৰ্থ স্থানত দক্ষিণ আফ্ৰিকাৰ এ বি দি ভিলিয়াৰ্ছক নিৰ্বাচিত কৰিছে।

ইফালে মিডল অৰ্ডাৰত ইংলেণ্ডৰ জছ বাটলাৰ আৰু অল ৰাউণ্ডাৰ হিচাপে নিৰ্বাচিত কৰিছে ৱেষ্টইণ্ডিজৰ আন্দ্ৰে ৰাছেলক।

This is my ‘Best T20I XI’ by picking
ONLY ONE player from a country:
1 @davidwarner31 (c) ??
2 @babarazam258 ??
3 Kane ??
4 @ABdeVilliers17 ??
5 @josbuttler (wk) ??
6 @Russell12A ??
7 @Sah75official ??
8 @rashidkhan_19 ??
9 @IamSandeep25 ??
10 Malinga??
11 @Jaspritbumrah93 ??

— Wasim Jaffer (@WasimJaffer14) April 20, 2020

আনহাতে জাফাৰে সকলোকে আচৰিত কৰি তুলি তেওঁৰ দলত অন্তৰ্ভুক্ত কৰিছে নেপালৰ স্পিনাৰ সন্দিপ লমিছানেক।