মাৰ্কিন উপ ৰাষ্ট্ৰপতি হিচাপে কমলা হেৰিছৰ ঐতিহাসিক বিজয়ৰ পিছত কি ক’লে স্বামীয়ে?
মাৰ্কিন যুক্তৰাষ্ট্ৰৰ উপ ৰাষ্ট্ৰপতি হিচাপে ভাৰতীয় ভংশোদ্ভূত কমলা হেৰিছৰ ঐতিহাসিক বিজয়ে কেবাটাও দিশৰ পৰা গুৰুত্বপূৰ্ণ হিচাপে বিবেচিত হৈছে।
আনকি এই বিজয়েৰে কমলাই আমেৰিকা যুক্তৰাষ্ট্ৰত কেবাটাও অভিলেখ গঢ়িবলৈও সক্ষম হৈছে।
আমেৰিকাৰ ইতিহাসত প্ৰথম গৰাকী মহিলা আৰু প্ৰথম গৰাকী কৃষ্ণাংগ উপ ৰাষ্ট্ৰপতি হিচাপে নিৰ্বাচিত হৈছে কমলা হেৰিছ।
পত্নীৰ এই ঐতিহাসিক বিজয় সন্দৰ্ভত কমলা হেৰিছৰ স্বামীয়ে নিজৰ অনুভৱ প্ৰকাশ কৰিছে।
পত্নীৰ ঐতিহাসিক বিজয়ৰ পিছতে কমলা হেৰিছৰ স্বামী ড’ফ ইম্হ’ফে নিজৰ প্ৰতিক্ৰিয়া প্ৰকাশ কৰি কয় যে “তোমাৰ বাবে মই গৰ্বিত।”
চ’ছিয়েল মিডিয়াত দুয়োৰে আলিংগাৱদ্ধ এখন ফ’টো শ্বেয়াৰ কৰি নৱ নিৰ্বাচিত উপ ৰাষ্ট্ৰপতি কমলা হেৰিছৰ স্বামীয়ে এইদৰে লিখিছে।
ইফালে দেখা গৈছে যে মাৰ্কিন উপ ৰাষ্ট্ৰপতি হিচাপে নিৰ্বাচিত হোৱাৰ পিছতে কমলা হেৰিছৰ ইনষ্টাগ্ৰাম অনুৰাগীৰ সংখ্যাই ১২ মিলিয়ন অতিক্ৰম কৰিছে।
কমলা হেৰিছেও নিজৰ ইনষ্টাগ্ৰামত স্বামীৰ সৈতে আলিংগাৱদ্ধ এখন ফ’টো শ্বেয়াৰ কৰি ড’ফ ইম্হ’ফক হেষ্টটেগেৰে লিখিছে, “মোৰ জীৱনৰ প্ৰেমক সাক্ষাৎ কৰক।”
কমলা হেৰিছৰ স্বামী ড’ফ হৈছে মাৰ্কিন যুক্তৰাষ্ট্ৰ সংবাদ মাধ্যম, ক্ৰীড়া আৰু মনোৰঞ্জনৰ এগৰাকী আইন বিশেষজ্ঞ।
ইফালে কমলা হেৰিছৰ স্বামীক তেওঁৰ নিৰ্বাচনী প্ৰচাৰৰ ‘গোপন অস্ত্ৰ’ হিতাপে অভিহিত কৰা হৈছে।
উল্লেখ্য যে, ২০১৪ চনত কমলা আৰু ড’ফ বিবাহপাশত আৱদ্ধ হৈছিল।