নতুন তথ্য-প্ৰযুক্তি আইনকলৈ ভাৰত চৰকাৰৰ সৈতে হোৱাটছ এপ কৰ্তৃপক্ষৰ সংঘাত তীব্ৰতৰ হৈ উঠাৰ মাজতে হোৱাটছ এপে প্ৰথমবাৰৰ বাবে ভাৰত চৰকাৰৰ ওচৰত অভিযোগৰ প্ৰতিবেদন দাখিল কৰিছে।
হোৱাটছ এপে দাখিল কৰা অভিযোগৰ প্ৰতিবেদনত কোৱা হৈছে যে ১৫ মে’ৰ পৰা ১৫ জুন পৰ্যন্ত হোৱাটছএপে ৩৪৫ টা অভযিোগ গ্ৰহণ কৰিছে আৰু তেনে অভিযোগৰ ভিত্তিতে হোৱাটছএপে ২০ লাখ ভাৰতীয় একাউণ্ট বন্ধ কৰি দিছে।
এই সময়ছোৱাত ফেচবুকেও ৬৪৬ টা অভিযোগ গ্ৰহণ কৰা বুলি কোৱা হৈছে।
মূলতঃ নগ্নতা,ভুৱা একাউণ্ট আদি বিষয়বোৰ চালি-জাৰি চাই এনেদৰে হোৱাটছ এপৰ একাউণ্ট বোৰ বন্ধ কৰি দিয়া হৈছে।
একেদৰে ফেচবুকৰ তৰফৰ পৰাও এই বুলি কোৱা হৈছে যে তিনি কোটিৰো অধিক গোচৰৰ ক্ষেত্ৰত পদক্ষেপ গ্ৰহণ কৰা হৈছে।
হোৱাটছএপত বাল্ক মেছেজ প্ৰেৰণৰ সংখ্যা বৃদ্ধি পোৱাৰ বিষয়টোও হোৱাটছএপ কৰ্তৃপক্ষৰ দৃষ্টিগোচৰ হোৱা বুলি প্ৰকাশ কৰা হৈছে।
ইনষ্টাগ্ৰামৰ ক্ষেত্ৰতো ৩৬ টা অভিযোগ পোৱা গৈছে বুলি কোৱা হৈছে।
