আফ্ৰিকা মহাদেশৰ কেইবাখনো দেশত মাংকিপক্স ৰোগৰ প্ৰাদুৰ্ভাৱৰ বাবে বিশ্ব স্বাস্থ্য সংস্থাই বিশ্বব্যাপী জৰুৰীকালীন স্বাস্থ্য অৱস্থা ঘোষণা কৰিছে। দুবছৰৰ ভিতৰত দ্বিতীয়বাৰৰ বাবে মাংকিপক্সৰ বাবে বিশ্বব্যাপী জৰুৰীকালীন অৱস্থা ঘোষণা কৰিছে সংস্থাটোৱে।
বুধবাৰে বিশ্ব স্বাস্থ্য সংস্থাৰ এখন কমিটীৰ জৰুৰী বৈঠক অনুষ্ঠিত হয়। মাংকিপক্স ৰোগক লৈ বিশ্বব্যাপী জৰুৰীকালীন স্বাস্থ্য অৱস্থা ঘোষণা কৰিব নে নকৰে সেই সন্দৰ্ভত ডব্লিউ এইচ অ’ৰ সঞ্চালক প্ৰধান টেড্ৰ’ছ আধানম গেব্ৰেইছাছক পৰামৰ্শ দিবলৈ এই বৈঠক আহ্বান কৰা হয়। বৈঠকৰ অন্তত জৰুৰীকালীন স্বাস্থ্য অৱস্থা ঘোষণা কৰা হয়।
টেড্ৰছে কয় যে এই প্ৰাদুৰ্ভাৱ বন্ধ কৰি জীৱন ৰক্ষাৰ বাবে এক সমন্বিত আন্তঃৰাষ্ট্ৰীয় সঁহাৰি কাৰ্যসূচী অতি প্ৰয়োজনীয়।
লগতে পঢ়কঃ ‘অহা ৫ বছৰত মেডিকেল কলেজত বৃদ্ধি কৰা হ’ব ৭৫ হাজাৰ আসন’; স্বাধীনতা দিৱসৰ ভাষণত ঘোষণা প্ৰধানমন্ত্ৰীৰ
টেড্ৰছে লগতে কয় যে কংগোত মাংকিপক্সৰ এটা নতুন প্ৰজাতি চিনাক্ত কৰা হৈছে আৰু ই দ্ৰুতগতিত বিয়পি পৰিছে। এই ভাইৰাছ আগতে দেখা নোপোৱা দেশত ধৰা পৰিছে। এতিয়া ই আফ্ৰিকা আৰু এই মহাদেশৰ অতিক্ৰমি বিশ্বৰ আন আন ঠাইলৈ বিয়পি পৰাৰ সম্ভাৱনা আছে। এইবোৰ বৰ উদ্বেগজনক বিষয়।
মাংকিপক্স হৈছে স্মলপক্স আৰু কাউপক্সৰ সৈতে জড়িত পক্স ভাইৰাছ। মানুহৰ শৰীৰত মাংকিপক্সৰ সংক্ৰমণৰ ফলত সাধাৰণতে ফোহা বা ফোহাৰ দৰে ঘাঁ হয়। ফ্লুৰ দৰে লক্ষণ দেখা দিয়ে। কেতিয়াবা জ্বৰ হয়। সাধাৰণতে হাত-ভৰিত ঘাঁ হয়। দেখা যায় যে দীৰ্ঘদিন ধৰি ছালৰ সৈতে ছালৰ সংস্পৰ্শলৈ আহিলে ইয়াৰ বিস্তাৰ ঘটে।
এইবাৰ কংগোত আৰম্ভ হৈছে মাংকিপক্সৰ প্ৰাদুৰ্ভাৱ। তাতে ভাইৰাছৰ এটা স্থানীয় প্ৰজাতি বিয়পি পৰে। এইটো ক্লেড আই নামেৰে জনা যায়। কিন্তু এতিয়া আন এটা নতুন প্ৰকাৰৰ আবিৰ্ভাৱ হৈছে। ক্লেড আই বি নামৰ এই নতুন ষ্ট্ৰেইনটোৱে যৌন সম্পৰ্ককে ধৰি নিয়মীয়া অন্তৰংগ সংস্পৰ্শৰ জৰিয়তে দ্ৰুত আৰু সহজে বিয়পি পৰে বুলি ভবা হৈছে।
লগতে পঢ়কঃ সপোন ভাগিল! ৰূপ নাপালে ৱিনেশে, আবেদন নাকচ কৰিলে আন্তঃৰাষ্ট্ৰীয় ক্ৰীড়া আদালতে
ইফালে কংগোৰ পৰা বুৰুণ্ডি, কেনিয়া, ৰুৱাণ্ডা, উগাণ্ডা আৰু বহু চুবুৰীয়া দেশলৈ কোৰোনা ভাইৰাছ বিয়পি পৰিছে। এনে পৰিস্থিতিত মাংকিপক্স ৰোগ প্ৰতিৰোধৰ বাবে বিশ্ব স্বাস্থ্য সংস্থাই জৰুৰীকালীন স্বাস্থ্য অৱস্থা ঘোষণা কৰিছে।
