দক্ষিণৰ এইগৰাকী ছুপাৰষ্টাৰ অভিনেত্ৰী দুটি যমজ সন্তানৰ মাতৃ আৰু তেওঁ চাউথৰ জনপ্ৰিয় অভিনেত্ৰী সামান্থা ৰুথ প্ৰভু আৰু ৰশ্মিকা মাণ্ডন্নাতকৈ অধিক মাচুল লয়। আজি অভিনেত্ৰী গৰাকীৰ ৪০ সংখ্যক জন্মদিন উপলক্ষে মুক্তি পাবলৈ গৈ আছে ৱেব চিৰিজ ‘নয়নতৰা: বিয়ণ্ড দ্য ফেয়াৰ টেল’।
যোৱা বছৰ শ্বাহৰুখ খানৰ ছবি ‘জৱান’ৰ জৰিয়তে বলীউডত অভিষেক ঘটালে নয়নতৰাই। এই ছবিখন ব্লকবাষ্টাৰ হোৱাৰ লগে লগে অভিনেত্ৰীগৰাকীয়ে নিজৰ মাচুল বহুগুণে বৃদ্ধি কৰিলে। সংবাদ মাধ্যমৰ বাতৰি অনুসৰি নয়ন্তৰাই এতিয়া তেওঁৰ প্ৰতিখন ছবিৰ বাবে ১০-১২ কোটি টকা মাচুল লয়।
মাচুলৰ ক্ষেত্ৰত নয়ন্তৰাৰ প্ৰতিদ্বন্দ্বী দীপিকা পাডুকন। শ্বাহৰুখ খানৰ ছবি পাঠানৰ বাবে ১৫ কোটি টকা মাচুল আদায় কৰিছিল অভিনেত্ৰীগৰাকীয়ে। অৱশ্যে আন কোনো ছবিৰ বাবে তেওঁ ইমান মাচুল পোৱা নাই।
যোৱা ৮ ছেপ্টেম্বৰত মাতৃ হোৱা দীপিকা পাডুকন আজিকালি ছবিৰ পৰা আঁতৰি আছে। মাতৃ হোৱাৰ পিছত অভিনেত্ৰীগৰাকীৰ ছবিত পুনৰ প্ৰত্যাৱৰ্তনক লৈ অনুৰাগীসকল অতিশয় চিন্তিত হৈ পৰিছে। ইয়াৰ সমান্তৰালকৈ বলীউডৰ ধাৰাটো বিবেচনা কৰিলে দীপিকা পাডুকনৰ মাচুল হ্ৰাস পাব পাৰে বুলি জল্পনা-কল্পনা কৰা হৈছে।
ডিম্পল গাৰ্ল দীপিকা পাডুকনৰ বিৰতিৰ পাছত ১০-১২ কোটি টকাৰ মাচুল লৈ আটাইতকৈ দামী অভিনেত্ৰী হিচাপে পৰিগণিত হৈছে নয়নতৰা। ২০২৩ চনৰ শেষৰ ফালে মুক্তি পোৱা ‘অন্নপূৰ্ণি: গ’ডেছ অৱ ফুড’ৰ বাবে নয়নতৰাই ১১ কোটি টকা লয়।
এতিয়া যদি আমি আন দক্ষিণ ভাৰতীয় অভিনেত্ৰীসকলৰ কথা উল্লেখ কৰোঁ, তেন্তে ‘পুষ্পা: দ্য ৰাইজ’ৰ আইটেম নম্বৰ ‘ওম অন্তভা’ কৰাৰ বাবে সামন্থাই ৫ কোটি টকা লৈছিল। ‘দ্য ফেমিলি মেন’ৰ পৰা পান ইণ্ডিয়া অভিনেত্ৰী হোৱা সামান্থাইও বৃদ্ধি কৰিছে মাচুল। পূৰ্বে ৫-৮ কোটি টকা লোৱা সামন্তই এতিয়া ১০ কোটি টকা লয়। ‘চিটাডেল হানি বানি’ৰ বাবেও তেওঁ বৃহৎ পৰিমাণৰ মাচুল সংগ্ৰহ কৰিছে।
‘পুষ্পা ২’ৰ শিৰোনাম দখল কৰা ৰশ্মিকা মণ্ডন্নাই পূৰ্বে প্ৰতিখন ছবিৰ বাবে ৩-৫ কোটি টকা লয় যদিও এতিয়া পেন ইণ্ডিয়াৰ অভিনেত্ৰী হোৱা ৰশ্মিকাই বহুগুণে বৃদ্ধি কৰিছে মাচুল। সংবাদ মাধ্যমৰ খবৰ অনুসৰি পুষ্পা ২ৰ বাবে ১০ কোটি টকা লৈছে ৰশ্মিকাই।
