কাইলৈ অৰ্থাৎ ২৫ মে’ত পুনৰ ভাৰত বন্ধৰ আহ্বান দিয়া হৈছে। বন্ধৰ ফলত বিপৰ্যস্ত হ’ব পাৰে সমগ্ৰ দেশ। যান-বাহন চলাচল ব্যাহত হ’ব পাৰে, দোকান-পোহাৰ বন্ধ থাকিব পাৰে। ফলস্বৰূপে সাধাৰণ জনতাৰ বাবে সৃষ্টি হ’ব পাৰে আহুকালৰ। অতীতত এনে ঘটনাৰ সাক্ষী হৈ আহিছে দেশৰ জনসাধাৰণ। এইবাৰো হয়তো তেনে পৰিস্থিতিৰ পৰিৱৰ্তন নহ’ব ।
শেহতীয়াকৈ অৱশ্যে দেশৰ প্ৰধান বিৰোধী দলবোৰে বেছি বন্ধৰ আহ্বান জনোৱা দেখা নাই। কিন্তু এইবাৰ পৰিস্থিতি কিছু পৃথক।
বিভিন্ন ৰাজনৈতিক দলে দাবী কৰিছে যে দেশৰ সাম্প্ৰদায়িক পৰিস্থিতি উদ্বেগজনক। তদুপৰি, বিভিন্ন মহলৰ অভিযোগ যে দেশত জাতিভিত্তিক দাবীও বৃদ্ধি পাইছে। সংৰক্ষণৰ দাবীৰ পৰা আৰম্ভ কৰি বিভিন্ন দাবীৰে ৰাজ্যৰ পৰা কেন্দ্ৰলৈকে সকলো চৰকাৰ যথেষ্ট চাপত আছে।
লগতে পঢ়ক: ভাৰতক নিলম্বন নকৰিবলৈ ফিফাক অনুৰোধ; গিয়ান্নি ইনফান্টিনোলৈ পত্ৰ প্ৰফুল পেটেলৰ
এইবাৰৰ বন্ধও একে ধৰণৰ চাহিদা আছে। ইয়াক সৰ্বভাৰতীয় পিছপৰা আৰু সংখ্যালঘু সম্প্ৰদায় কৰ্মী ফেডাৰেশ্যনে আহ্বান জনাইছে। সংগঠনটোৱে অভিযোগ কৰিছে যে বাৰে বাৰে দাবী কৰা স্বত্বেও কেন্দ্ৰীয় চৰকাৰে অ’বিচিৰ সংখ্যা নিৰ্ধাৰণ কৰিবলৈ কোনো লোকপিয়ল কৰা নাই।
বহুজন মুক্তি পাৰ্টিৰ উত্তৰ প্ৰদেশৰ চাহাৰনপুৰৰ সভাপতি নীৰজ ধীমানে দাবী কৰে যে ব্যক্তিগত চাকৰিতো অনুসূচীত জনজাতি, অনুসূচীত জাতি আৰু অ’বিচিৰ বাবে সংৰক্ষণ কৰা উচিত। তেওঁলোকে বন্ধৰ আহ্বান দিয়া নাই যদিও বন্ধ সমৰ্থন কৰিছে। তেওঁলোকৰ দলৰ নেতা-কৰ্মীসকলে এই বন্ধ সফল কৰিবলৈ সম্পূৰ্ণ সহযোগিতা আগবঢ়াব।
লগতে পঢ়ক: জলসিঞ্চনৰ ৪কোটি টকা আত্মস্যাৎ কৰা গোচৰৰ মূল অভিযুক্ত অভিযন্তা সত্যৰাম কলিতাৰ আত্মসমৰ্পণ
তদুপৰি, বিভিন্ন দলিত সংগঠনেও এই বন্ধক সমৰ্থন দিছে। ফলত সমগ্ৰ দেশতে এই বন্ধৰ প্ৰভাৱ পৰিব পাৰি। আটাইতকৈ গুৰুত্বপূৰ্ণ কথাটো হ’ল এই বন্ধত ব্যক্তিগত চাকৰিতো অনুসূচীত জনজাতি, অনুসূচীত জাতি আৰু অ’বিচিৰ বাবে সংৰক্ষণৰ দাবী উত্থাপন কৰা হৈছে। সেয়ে, সমগ্ৰ দেশৰ বিভিন্ন অনুসূচীত জাতিৰ সংগঠনে এই বন্ধৰ সমৰ্থনত সৰৱ হৈছে। আনহাতে, ব্যক্তিগত চাকৰিত সংৰক্ষণৰ দাবীত ইতিমধ্যে কেইবাটাও সংগঠনে আদালতৰ কাষ চাপিছে।
