হিকটি হৈছে শৰীৰে নিয়ন্ত্ৰণ কৰিব নোৱাৰা এক স্বাভাৱিক প্ৰতিক্ৰিয়া। হিকটি আমাৰ সকলোৰে আহে । এবাৰ হিকটি অহাটো কেতিয়াবা ধেমেলীয়া হৈ পৰে আৰু দুই-তিনিবাৰতকৈ অধিক আহিলে ই বিৰক্তিকৰ হৈ পৰে ৷
নেচনেল অৰ্গেনাইজেশ্যন ফৰ ৰেয়াৰ ডিছঅৰ্ডাৰছে হিকটিক হাওঁফাওঁৰ তলৰ পেশী ডায়েফ্ৰামৰ হঠাৎ অনিচ্ছাকৃতভাৱে সংকোচন আৰু তাৰ পিছত কণ্ঠতন্ত্ৰবোৰ দ্ৰুতভাৱে বন্ধ হোৱা বুলি বৰ্ণনা কৰিছে। হিকটি অহাৰ সঠিক কাৰণ স্পষ্টকৈ ক’ব নোৱাৰি যদিও বিভিন্ন অন্তৰ্নিহিত অৱস্থাই দীৰ্ঘদিনীয়া বা স্থায়ী হিকটিৰ সৃষ্টি কৰিব পাৰে।
হিকটিৰ প্ৰকাৰ –
ক) ক্ষণস্থায়ী হিকটি
খ) পুনৰাবৃত্তিমূলক হিকটি
গ) ননৱজাতকৰ হিকটি
যদি আপোনাৰ হিকটি কেইমিনিটতকৈ অধিক সময় থাকে, তেন্তে একাংশ বিশেষজ্ঞই উশাহ বন্ধ কৰি ৰাখিবলৈ বা কাগজৰ বেগত উশাহ ল’বলৈ চেষ্টা কৰাৰ পৰামৰ্শ দিয়ে। এই পদ্ধতিসমূহে আপোনাৰ হাওঁফাওঁত কাৰ্বন ডাই অক্সাইডৰ পৰিমাণ বৃদ্ধি কৰাত সহায় কৰিব পাৰে, যিয়ে আপোনাৰ ডায়েফ্ৰাম শান্ত কৰি হিকটি বন্ধ কৰিব পাৰে।
শিশুৰ হিকটি সাধাৰণ আৰু স্বাভাৱিক। স্বাস্থ্যসেৱা প্ৰদানকাৰীসকলে সঠিকভাৱে নাজানে যে শিশুৰ হিচকি কিয় হয়, কিন্তু তেওঁলোকে বিশ্বাস কৰে যে আপোনাৰ শিশুৰ পেটত গেছ বৃদ্ধি হোৱাৰ বাবেই ইয়াৰ কাৰণ। আপোনাৰ শিশুৱে খাদ্য গ্ৰহণ কৰাৰ সময়ত বহুত খাব পাৰে বা বেছি বায়ু গিলিব পাৰে। ফলত ইহঁতৰ পেটটো প্ৰসাৰিত হৈ ডায়েফ্ৰামত বিৰক্তিকৰ হয়।
কিছুমান কেঁচুৱাৰ ক্ষেত্ৰত হিকটি GERD ৰ লক্ষণ। এনে ক্ষেত্ৰত আপোনাৰ শিশুটিৰ হিচকিৰ বাহিৰেও আন লক্ষণ দেখা যাব, যেনে কাহ আৰু থু পেলোৱা। এইবোৰ লক্ষ্য কৰিলে আপোনাৰ শিশু চিকিৎসকক ফোন কৰক।
হিকটিৰ উপসম
কেতিয়াবা কিবা খাই থাকোতে বেছি জলা-মছলা পালে হঠাতে হিকটি আহিব পাৰে। এনে ধৰণৰ আকস্মিক ভাৱে অহা হিকটি এগিলাচ ঠাণ্ডা পানী খাই দিলেই নাইকিয়া হয়। কিন্তু কেতিয়াবা কোনো স্পষ্ট কাৰণ নোহোৱাকৈ একেৰাহে হিকটি আহি থাকিব পাৰে আৰু এনে ধৰণৰ হিকটি কোনো উপায়েৰে বন্ধ কৰিব নোৱাৰি। বেছিকৈ আৰু সঘনাই হিকটি যদি আহি আছে, তেনেহ’লে এচামুচ চেনি মুখত লৈ থাকক। হিকটি তৎক্ষণাত বন্ধ হ’ব। হিকটি বন্ধ কৰাৰ বাবে আপোনাৰ মনটো অন্য কিবা বিষয়লৈ আঁতৰাই নিয়ক। মনটো অন্য কোনো চিন্তাত নিগম্ন হ’লেও হিকটি বন্ধ হয়। এনে ধৰণে মনটোক কোনো অগতানুগতিক কামত ব্যস্ত ৰাখিবলৈ হ’লে আপুনি ১০০ ৰ পৰা ওলোটাকৈ ১ লৈকে মনতে আওৰাবলৈ চেষ্টা কৰক। এইদৰে ওলোটাকৈ গণিবলৈ ল’লে মনোযোগ আনফালে আঁতৰি যাব আৰু হিকটিও বন্ধ হ’ব।
একেৰাহে হিকটি আহি থাকিলে জিভাখন যিমান পাৰে বাহিৰলৈ মেলি দিবলৈ চেষ্টা কৰক। এনে কৰিবলৈ নাকৰ ফুটা দুটা ভোকেল কৰ্ডৰ(স্বৰযন্ত্ৰৰ কাষৰ দুডোখৰ পেশীৰ ভাঁজ) লগত সংলগ্ন অংশটো খোল খাব। ইয়াৰ ফলত হিকটি অহাটো বন্ধ হ’ব।
দীঘল দীঘলকৈ উশাহ লওক। শ্বাস কেইচেকেণ্ডমানৰ কাৰণে বন্ধ কৰি ৰখাৰ চেষ্টা কৰক। এই প্ৰক্ৰিয়াৰ ফলত হাওঁফাওঁ কাৰ্বন-ডাই-অক্সাইড গেচেৰে ভৰি যাব আৰু হাওঁফাওঁৰ আৱৰণে সেইবিলাক বাহিৰলৈ উলিয়াই দিবলৈ চেষ্টা কৰিব। ফলত হিকটি অহা বন্ধ হ’ব।
যদি কাৰোবাৰ একেৰাহে হিকটি আহি আছে, তেনেহ’লে তেওঁক হঠাতে ভয় খুৱাই চাওক। নহলেবা কিবা এটা নতুন কথা কৈ মনোযোগ আঁতৰাবলৈ চেষ্টা কৰক। এনে উপায়েৰেও হিকটি বন্ধ কৰিব পাৰি।এচামুচ নেমুৰ ৰসৰ লগত এচামুচ মৌ মিহলাই খালেও হিকটি বন্ধ হয়।
তিনিটা জালুক, আধা চামুচ চেনি বা মিচিৰিৰ সৈতে চোবাই খাওক। জালুক খালে যৎক্ষণাত হিকটি বন্ধ হয়। ভিনেগাৰৰ টেঙা সোৱাদে হিকটি বন্ধ কৰে। ইয়াৰ বাবে এচামুচ ভিনেগাৰেই যথেষ্ট। ভিনেগাৰৰ লগত অলপ পানী মিহলাই পাতল কৰি ল’ব।
হিকটি আহি থাকিলে কাণ দুখনত কপাহৰ টুকুৰা ভৰাই বিছ মিনিটৰ কাৰণে বন্ধ কৰি ৰাখক। লগতে কাণৰ লতি সামান্যভাৱে হেঁচি ধৰি থাকক। হাত দুখন টানকৈ মুঠি মাৰি দহ-পোন্ধৰ মিনিট থাকক। এনে কৰিলে মনোযোগ হিকটিৰ পৰা আঁতৰি যাব আৰু হিকটি বন্ধ হ’ব।বগৰীৰ কেঁচা পাত এমুঠি ভালদৰে ধুই ছাঁত শুকুৱাই লওক। এই পাত শুকান কেৰাহীত দি মুৰমুৰীয়াকৈ ভাজক। এতিয়া শুকান বগৰী পাতবোৰ হাতেৰে মোহাৰি মিহিকৈ গুড়ি কৰি লওক।
