আমি শৰীৰৰ নখ, চুলি, ছাল আদি সকলো অংগৰ যত্ন লওঁ। কিন্তু যিবোৰ অংগ অতি সংবেদনশীল সেইবোৰৰ যত্ন লোৱাই নহয়। সজাগতাৰ অভাৱৰ বাবে বিশেষকৈ মহিলাসকলে প্ৰায়ে গুপ্তৰোগত আক্ৰান্ত হ’ব লগা হয়।
মহিলা সকলৰ শৰীৰৰ এটা গুৰুত্বপূৰ্ণ আৰু অতি সংবেদনশীল অংগ হৈছে যোনি বা যৌনাংগ। এই অংগৰ দ্বাৰাই মহিলা সকলে প্ৰস্ৰাৱ কৰে, মাহেকীয়া হয়, যৌন সংগম কৰে আৰু সন্তান জন্ম দিয়ে। সেয়ে যৌনাংগৰ যত্ন লোৱাতো অতিকে দৰকাৰী। যৌনাংগৰ যত্ন নললে বিভিন্ন ৰোগত আক্ৰান্ত হ’ব পাৰে মহিলাসকল।
জানো আহক, কেনেকৈ ল’ব নিজৰ যৌনাংগৰ যতন –
১) যৌনাংগ সদায় পৰিষ্কাৰ কৰি ৰাখক। কুহুমীয়া গৰম পানীৰে যৌংনাংগ পৰিস্কাৰ কৰি ৰাখিব।
২) যৌনাংগ ধুবলৈ ভাল এন্টি বেক্টেৰিয়াল চাবোন ব্যৱহাৰ কৰিব পাৰে। ফাৰ্মাচীত এনেকুৱা বহু ভাল চাবোন উপলব্ধ।
৩) এন্টি বেক্টেৰিয়াল আৰু সুগন্ধি পাউদাৰ ব্যৱহাৰ কৰিব পাৰে।
৪) কেতিয়াও টান আণ্ডাৰৱেৰ পৰিধান নকৰিব। কপাহী কাপোৰৰ হে অন্তৰ্বাস পিন্ধিব। ৰাতি শোৱাৰ সময়ত সদায় অন্তৰ্বাস খুলি শোৱক।
৫) সদায় ভাল কোম্পানীৰ চেনিটেৰী নেপকিন ব্যৱহাৰ কৰিব। পিৰিয়ডৰ সময়ত নিজকে পৰিস্কাৰ পৰিচ্ছন্নতাত অধিক গুৰুত্ব দিব। দুঘণ্টাৰ পৰা তিনিঘণ্টাৰ অন্তৰে অন্তৰে পেড সলনি কৰক।
৬) কেতিয়াও যৌনাংগত পাৰফিউম ব্যৱহাৰ নকৰিব।
৭) যৌনাংগৰ ভিতৰত পানী ব্যৱহাৰ নকৰিব। যোনীৰ বাহিৰটোহে পানীৰে পৰিস্কাৰ কৰিব।
৮) পৰাপক্ষত কণ্ডম ব্যৱহাৰ কৰি যৌন সংগম কৰিব। ফ্লেভাৰড কণ্ডম ব্যৱহাৰ কৰাৰ পৰা বিৰত থাকক।
৯) লেতেৰা ঠাইত কেতিয়াও প্ৰস্ৰাৱ নকৰিব।
