কাইলৈ অৰ্থাৎ ২৬ মে’ৰ পৰা ভাৰতত নিষিদ্ধ হ’ব পাৰে জনপ্ৰিয় সামাজিক চাইট ফেইচবুক, টুইটাৰ, ইনষ্টাগ্ৰাম, হোৱাটছএপ আদি। কিন্তু কিয়?
কেন্দ্ৰীয় ইলেক্ট্ৰনিকছ এণ্ড ইনফ’ৰমেশ্যন টেকনল’জি(MEITy) মন্ত্ৰণালয়ে ফেচবুক, টুইটাৰ, হোৱাটছএপ আৰু ইনষ্টাগ্ৰামৰ দৰে ছ’চিয়েল মিডিয়া প্লেটফৰ্মবোৰক নতুন অন্তৱৰ্তী নিয়ম জাৰি কৰি সেইবোৰ ৩ মাহৰ ভিতৰত গ্ৰহণ কৰিবলৈ নিৰ্দেশ দিছিল।
কেন্দ্ৰীয় ইলেক্ট্ৰনিকছ এণ্ড ইনফ’ৰমেশ্যন টেকনল’জি(MEITy) মন্ত্ৰণালয়ে জাৰি কৰা এই নতুন নিয়মসমূহ গ্ৰহণ কৰাৰ অন্তিম সময়সীমা আছিল ২৫ মে’।
কিন্তু সংবাদ প্ৰতিষ্ঠান পিটিআই-এ প্ৰকাশ অনুসৰি চ’ছিয়েল মিডিয়াৰ প্ৰতিষ্ঠানসমূহে এতিয়াও কেন্দ্ৰীয় ইলেক্ট্ৰনিকছ এণ্ড ইনফ’ৰমেশ্যন টেকনল’জি(MEITy) মন্ত্ৰণালয়ে জাৰি কৰা নতুন নিয়মাসমূহ গ্ৰহণ কৰা নাই।
প্ৰতিষ্ঠানসমূহক নতুন নিয়মসমূহ গ্ৰহণৰ বাবে মন্ত্ৰণালয়ৰ ফালৰ পৰা ছমাহ সময় বান্ধি দিয়া হৈছিল। কিন্তু এই ছমাহৰ ভিতৰত কোনো এটা প্ৰতিষ্ঠানেই কেন্দ্ৰীয় ইলেক্ট্ৰনিকছ এণ্ড ইনফ’ৰমেশ্যন টেকনল’জি(MEITy) মন্ত্ৰণালয়ৰ নতুন নিয়মৱালী গ্ৰহণ কৰা নাই বুলি জানিব পৰা গৈছে।
অৱশ্যে ভাৰতীয় ছ’চিয়েল মিডিয়া প্লেটফৰ্ম কু, অৰ্থাৎ টুইটাৰৰ ভাৰতীয় সংস্কৰণ একমাত্ৰ মঞ্চ যি এতিয়ালৈকে কেন্দ্ৰৰ এই নিয়মসমূহ কাৰ্যকৰী কৰিছে।
‘চৰকাৰে নিয়ম অনুসৰণ নকৰাৰ বাবে দেশৰ আইন অনুসৰি প্ৰতিষ্ঠানসমূহ বিৰুদ্ধে বিৰুদ্ধে ব্যৱস্থা ল’ব পাৰে।’, এজন চৰকাৰী বিষয়াই এইদৰে কয়। যাৰফলত হয়তো কাইলৈ পৰা ফেইচবুক, টুইটাৰ, ইনষ্টাগ্ৰাম আৰু হোৱাটছএপ নিষিদ্ধ হ’ব পাৰে বুলি ধাৰণা কৰা হৈছে। অৱশ্যে এই সন্দৰ্ভত চৰকাৰে এতিয়াও কোনো বক্তব্য প্ৰকাশ কৰা নাই।
উল্লেখ্য যে চৰকাৰে যোৱা ফেব্ৰুৱাৰী মাহতে চ’ছিয়েল মিডিয়াৰ প্ৰতিষ্ঠানসমূহৰ বাবে নতুন নিয়মাৱলী প্ৰস্তুত কৰিছিল যিসমূহ ২৫ মে’ত আগত গ্ৰহণ কৰিবলৈ কোৱা হৈছিল আৰু এই নিৰ্দিষ্ট সময়ত নিয়মসমূহ গ্ৰহণ নকৰিলে নিষিদ্ধকৰণৰ দৰে ব্যৱস্থা লোৱাৰ হ’ব বুলিও জনোৱা হৈছিল।