ক্ৰীড়া ক্ষেত্ৰখনত আগবঢ়োৱা সৰ্বশ্ৰেষ্ঠ প্ৰদৰ্শনৰ বাবে খেলুৱৈসকলক প্ৰতিবছৰে ভাৰত চৰকাৰে সন্মানিত কৰে। ২৯ আগষ্ট অৰ্থাৎ ক্ৰীড়া দিৱসৰ দিনা এই সন্মান প্ৰদান কৰা হয়।
বিশ্বৰ প্ৰসিদ্ধ তথা মহান হকী খেলুৱৈ মেজৰ ধ্যানচন্দৰ জন্মদিনটোত ভাৰতত ক্ৰীড়া দিৱস হিচাপে পালন কৰা হয়।
ভাৰত চৰকাৰে খেলুৱৈসকলক প্ৰদান কৰা সন্মানৰ ভিতৰত সৰ্বোচ্চ হ’ল ৰাজীৱ গান্ধী খেল ৰত্ন বঁটা। এই বঁটাটি পূৰ্বৰ প্ৰদধান মন্ত্ৰী ৰাজীৱ গান্ধীৰ নামেৰে নামকৰণ হোৱাক কেন্দ্ৰ কৰি এতিয়া প্ৰশ্নৰ অৱতাৰণা হৈছে।
ক্ৰীড়াৰ সৈতে পূৰ্বৰ প্ৰধান মন্ত্ৰী গৰাকীৰ কোনো সম্পৰ্ক নাই। সেয়ে তেওঁৰ নামত এই সন্মান কিয় আগবঢ়োৱা হয় বুলি চহজাদ জয় হিন্দ নামৰ টুইটাৰ একাউণ্ট এটাৰ পৰা ক্ৰীড়া মন্ত্ৰী কিৰেন ৰিজিজুক প্ৰশ্ন কৰিছে।
চহজাদে টুইটাৰৰ জৰিয়তে কয়, ‘ভাৰতৰ সৰ্বোচ্চ ক্ৰীড়া সন্মান খেল ৰত্ন বঁটাৰ নাম ৰাজীৱ গান্ধী কিয় ৰখা হৈছিল। তেওঁ খেলুৱৈ আছিল নেকি? ধ্যানচন্দ নাইবা আন কোনো এথলীটৰ নামত বঁটাটিৰ নাম ৰাখিব নোৱাৰো নেকি’।
