সোমবাৰে পুনৰ মিগ-২১ যুঁজাৰু বিমানৰ ককপিটলৈ উভতি আহিল উইংগ কামাণ্ডাৰ অভিনন্দন বৰ্থমান।
ভাৰতীয় বায়ুসেনা প্ৰধান বি এছ ধানোৱা আৰু অভিনন্দনে পাঠানকোট বায়ু সেনা বাহিনী ঘাটিৰ পৰা প্ৰায় ৩০ মিনিট সময়ৰ বাবে যুঁজাৰু মিগ-২১ বিমান উৰুৱায়।
মিগ-২১ৰ উৰণ কালত বায়ুসেনা প্ৰধান বি এছ ধানোৱাই মুখ্য পাইলটৰ ভূ্মিকা পালন কৰাৰ বিপৰীতে অভিনন্দনে সহযোগী পাইলটৰ দায়িত্ব পালন কৰিছিল।
#WATCH Pathankot: IAF Chief Air Chief Marshal BS Dhanoa and Wing Commander Abhinandan Varthaman moving towards the MiG-21 before their sortie earlier today. #Punjab pic.twitter.com/Rz9KJVJVWi
— ANI (@ANI) September 2, 2019
আনহাতে, সফলতাৰে উৰণ সম্পূৰ্ণ কৰাৰ পাছতে বায়ু সেনা প্ৰধান ধানোৱাই সুখী বুলি মন্তব্য কৰাৰ লগতে অভিনন্দৰ সৈতে তিনিটা কথাত তেওঁৰ সাদৃশ্য থকা বুলি উল্লেখ কৰে।
অভিনন্দৰ সৈতে বি এছ ধানোৱাৰ থকা তিনিটা প্ৰধান সাদৃশ্য হ’ল-
১) দুয়ো মিগ-২১ বিমানেৰে পাকিস্তানৰ বিপক্ষে যুদ্ধ কৰিছে (ধানোৱাই কাৰ্গিল যুদ্ধত আৰু অভিনন্দনে বালাকোট আক্ৰমণৰ পাছত।)
২) দুয়ো মিগ-২১ৰ ককপিটৰ পৰা জৰুৰীকালিন অৱতৰণ কৰিব লগা হৈছিল।
৩) বি এছ ধানোৱাই অভিনন্দনৰ পিতৃৰ সৈতেও একেলগে মিগ-২১ বিমান উৰুৱাইছিল।
তদুপৰি, বায়ু সেনা বাহিনীৰ প্ৰধান গৰাকীয়ে ছমাহৰো কম সময়ৰ ব্যৱধানত উইংগ কামাণ্ডাৰগৰাকী মিগ-২১ৰ ককপিটলৈ উভতি অহাৰ বাবে শুভেচ্ছা জ্ঞাপন কৰে।
‘‘মোক মিগ-২১ৰ পৰা জৰুৰী অৱতৰণৰ পাছত পুনৰ পাইলট হিচাপে উভতি আহিবলৈ ৯ মাহ সময় লাগিছিল কিন্তু অভিনন্দনে ছমাহৰো কম সময়ত সুস্থ হৈ উভতি আহিছে। এতিয়া তেওঁ সম্পুৰ্ণ সুস্থ হিচাপে পাইলটৰ সকলো প্ৰমাণ পত্ৰ ওভটাই পাইছে’’-ধানোৱায় কয়।
#WATCH IAF Chief Air Chief Marshal BS Dhanoa flew a sortie with Wg Cdr Abhinandan Varthaman at Air Force Station Pathankot today in a MiG-21 trainer. It's the last sortie flown by IAF Chief in a fighter aircraft before retirement.They took off around 1130 hrs for a 30 min sortie. pic.twitter.com/retSoI3EVl
— ANI (@ANI) September 2, 2019
উল্লেখযোগ্য যে, বালাকোট এয়াৰ ষ্ট্ৰাইকৰ পাছত পাকিস্তান বায়ু সেনাবাহিনীৰ এফ-১৬ বিমানে ভাৰতীয় বায়ুমণ্ডলত প্ৰৱেশ কৰাৰ সময়ত অভিনন্দনে মিগ-২১ বিমানেৰে পাকিস্তানৰ এখন এফ-১৬ গুলীয়াই ভূপতিত কৰিছিল।
বৰ্তমান অভিনন্দনে ভাৰতীয় বায়ুসেনা বাহিনীত মিগ-২১ৰ প্ৰশিক্ষক হিচাপে কাৰ্য্যনিৰ্বাহ কৰিব।