দেশত ক্ৰমশ: বৃদ্ধি পাইছে নাৰী উৎপীড়ন কাণ্ড। এইবাৰ বিবাহৰ ভুৱা প্ৰতিশ্ৰুতি দি এগৰাকী মহিলাক একাধিকবাৰ ধৰ্ষণ কৰাৰ লগতে বলপূৰ্বক গৰ্ভপাত কৰিবলৈ বাধ্য কৰাৰ ঘটনা পোহৰলৈ আহিছে।
এই ঘটনা নৱী মুম্বাইৰ। আৰক্ষীয়ে জানিবলৈ দিয়া মতে, মহিলাগৰাকীৰ অভিযোগৰ ভিত্তিত অভিযুক্তৰ বিৰুদ্ধে ভাৰতীয় দণ্ডবিধিৰ ৩৭৬(২)(এন) আৰু ৩১৩ ধাৰাৰ অধীনত এটা গোচৰ ৰুজু কৰা হৈছে।
আৰক্ষীৰ আগত কালাম্বোলিৰ বাসিন্দা মহিলাগৰাকীয়ে দিয়া ভাষ্য মতে, অভিযুক্ত ব্যক্তিগৰাকীয়ে তেওঁৰ সৈতে বন্ধুত্ব স্থাপন কৰিছিল আৰু তেওঁক বিয়া কৰাৰ প্ৰতিশ্ৰুতি দিছিল।
এই প্ৰতিশ্ৰুতিৰ গইনা লৈ ব্যক্তিগৰাকীয়ে পুনে, আইৰোলি, পানভেল আৰু কালাম্বোলীত একাধিক বাৰ মহিলাগৰাকীক ধৰ্ষণ কৰা বুলি অভিযোগ উত্থাপন কৰিছে মহিলাগৰাকীয়ে।
তদুপৰি অভিযুক্ত ব্যক্তিগৰাকীয়ে তেওঁক গৰ্ভপাত কৰাবলৈ বাধ্য কৰিছিল বুলিও মহিলাগৰাকীয়ে দাবী কৰিছিল। এই বিষয়ত ইতিমধ্যে তদন্ত আৰম্ভ কৰিছে বুলি আৰক্ষীয়ে সদৰী কৰিছে।
