অৰুণাচল প্ৰদেশৰ চাংলাং জিলাৰ মেয়ও আৰক্ষীয়ে যোৱা শনিবাৰে অৰ্থাৎ ১৭ আগষ্টত চহৰখনত বুজন পৰিমাণৰ নিচাযুক্ত ব্ৰাউন চুগাৰসহ এগৰাকী মহিলাক আটক কৰিছে।
জানিব পৰা মতে মেও আৰক্ষীয়ে ১৭১ নং কেন্দ্ৰীয় সংৰক্ষিত আৰক্ষী বাহিনীৰ সহযোগত মেও চহৰত অসামাজিক কাৰ্যকলাপ তথা ড্ৰাগছ বিৰোধী অভিযান চলাই থকা অৱস্থাত মহিলা গৰাকীক আটক কৰিবলৈ সক্ষম হয়।
ইণ্ডেনথু চিংফৌ নামৰ ধৃত মহিলা গৰাকীৰ পৰা ১৬ গ্ৰাম ব্ৰাউন চুগাৰ জব্দ কৰা হয় বুলি আৰক্ষীৰ এক সূত্ৰই জানিবলৈ দিয়ে।
আনহাতে উক্ত অভিযানত কেইবাগৰাকী ড্ৰাগছ আসক্ত যুৱকো আৰক্ষীৰ জালত পৰে বুলি সূত্ৰটোত প্ৰকাশ।
উল্লেখযোগ্য যে অসমৰ সীমামূৰীয়া এই অঞ্চলসমূহৰ পৰা তিনিচুকীয়া জিলালৈ দীৰ্ঘদিন ধৰি নিষিদ্ধ ড্ৰাগছজাতীয় সামগ্ৰী সৰবৰাহ হৈ আহিছে যদিও ইয়াক ৰোধ কৰাৰ ক্ষেত্ৰত বগা হাতীত পৰিণত হোৱা আবকাৰী বিভাগ চূড়ান্তভাৱে ব্যৰ্থ হোৱা দেখা গৈছে।
