গুৱাহাটীৰ আজাৰাস্থিত ফাৰ্মাচী শিক্ষাৰ উচ্চ শিক্ষানুষ্ঠান গিৰিজানন্দ চৌধুৰী ইনষ্টিটিউট অৱ ফাৰ্মাছিউটিকেল ছায়েন্সৰ প্ৰতিষ্ঠান চৌহদত প্ৰতিষ্ঠানখনৰ সমূহ শিক্ষক-কৰ্মচাৰী তথা ছাত্ৰ-ছাত্ৰীৰ উপস্থিতিত সম্পূৰ্ণৰূপে কভিড প্ৰ’টকলৰ মাজেৰে “বিশ্ব ফাৰ্মাচী দিৱস” উদযাপন কৰা হয়।
সমগ্ৰ বিশ্বজুৰি পালন কৰা ফাৰ্মাচী দিৱসৰ এইবাৰৰ বিষয়বস্তু হ’ল” ফাৰ্মাছী: ট্ৰাছটেড ফ্’ৰ ইয়ৰ হেল্থ”।
শ্ৰীমন্ত শংকৰ একাডেমীৰ সভাপতি ৰাতুল দাসে পতাকা উত্তোলনৰ জৰিয়তে অনষ্ঠানৰ শুভাৰম্ভ কৰে।
অনুষ্ঠানটিত উপস্থিত সকলোকে উদ্দেশ্য আদৰণি আদৰণি ভাষণ আগবঢ়োৱাৰ লগতে বৰ্তমানৰ পৰিস্থিতিত ফাৰ্মাচিষ্টসকলৰ দায়িত্ব আৰু কৰ্তব্যৰ বিষয়ে গুৰুত্বপূৰ্ণ ভাষণ আগবঢ়ায় প্ৰতিষ্ঠান খনৰ অধ্যক্ষ ডঃ গৌৰাং দাসে।
অনুষ্ঠানটিত মুখ্য অতিথি ৰূপে উপস্থিত থাকি ফাৰ্মাচী দিৱসৰ তাৎপৰ্য আৰু এইবাৰৰ বিষয়বস্তুৰ বিষয়ে এক মনোগ্ৰাহী ভাষণ আগবঢ়ায় অসম বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ শিক্ষা-পঞ্জীয়ক ড: বি.আৰ. ফুকনে।
ইয়াৰ উপৰি বিশ্ব ফাৰ্মাচী দিৱসৰ লগত সংগতি ৰাখি প্ৰতিষ্ঠান খনৰ “জিপছ লেট” শীৰ্ষক এখন বাতৰি- পত্ৰিকাও উন্মোচন কৰা হয়।
অনুষ্ঠানটিৰ শেষত প্ৰতিষ্ঠান খনৰ জ্যেষ্ঠ অধ্যাপিকা ড: স্মৃতি ৰেখা চন্দ দাসে উপস্থিত সকলোকে প্ৰতিষ্ঠান খনৰ হৈ শলাগৰ শৰাই আগবঢ়ায়।
উল্লেখযোগ্য যে অনুষ্ঠানটিৰ লগত সংগতি ৰাখি প্ৰতিষ্ঠান খনৰ শিক্ষক-শিক্ষয়ত্ৰী তথা ছাত্ৰ-ছাত্ৰী সকলৰ দ্বাৰা বিভিন্ন ধৰণৰ সাংস্কৃতিক কাৰ্যসূচীও ৰূপায়ণ কৰা হয়।
