দেশক নেতৃত্ব দিছে অসমে, মূলসুঁতিৰ মিডিয়াই এতিয়াও উপলব্ধি কৰা নাই: বিশাল দাদলানি

দেশত নাগৰিকত্ব সংশোধনী আইনৰ বিৰুদ্ধে প্ৰবল প্ৰতিবাদ চলি থকাৰ মাজতে বলীউদৰ জনপ্ৰিয় গায়ক তথা সংগীতজ্ঞ বিশাল দাদলানিয়ে বৃহস্পতিবাৰে অসমৰ কা বিৰোধী আন্দোলনৰ সন্দৰ্ভত কৰিছে এক বিশেষ মন্তব্য।

তেওঁ কয়, ‘’আপোনালোকে ভাৰতক নেতৃত্ব দিছে, যদিওৱা মূলসুঁতিৰ মিডিয়াই এতিয়াও উপলব্ধি কৰিব পৰা নাই।‘’

তেওঁ কৰা টুইটৰ লগতে তেওঁ ‘’জয় আই অসম, বন্ধুসকল’’ বুলিও লিখিছে।

এটা টুইটত বলীউদৰ শিল্পীগৰাকীয়ে লগতে কয়,’’অসম, আমি আপোনালোকক শুনিছো আপোনালোকক দেখিছো, আমি আপোনালোকৰ সৈতে আছো। এখন ব্যৰ্থ এন আৰ চিৰ সৈতে আপোনালোকে গোটেই ৰাষ্ট্ৰখনকে কা তথা এন আৰ চিৰ বিৰুদ্ধে শক্তিশালীভাৱে যুঁজ দিবলৈ প্ৰস্তুত কৰালে।‘’

#Assam, we hear you we see you, we stand as one with you. What you have been through with the failed NRC makes the entire Nations fight against CAA and NRC stronger. You are leading India, even if the mainstream media hasn’t realised it yet.

Joi Ai Axom, my friends!

— VISHAL DADLANI (@VishalDadlani) January 9, 2020

উল্লেখযোগ্য যে ইয়াৰ পূৰ্বেও দাদলানিয়ে কা’ৰ বিৰুদ্ধে নিজৰ মন্তব্য প্ৰকাশ কৰিছিল।

দাদলানিয়ে এটা ভিডিঅ’ প’ষ্ট কৰি তাত প্ৰশ্ন কৰিছিল যে যিসময়ত দেশখন চৰম অৰ্থনৈতিক সংকটত আছে, তেনেসময়ত ইয়াৰ অৰ্থ কি? আপোনাৰ ঘৰত যেতিয়া খাবলৈ নাই, আপুনি চুবুৰীয়াক পাৰ্টিৰ বাবে আমন্ত্ৰণ কৰাৰ কিবা অৰ্থ আছেনে?

বিশালে কৈছিল: ‘’ভাৰৰ যুৱ সমাজে কৰ্মসংস্থাপন বিচাৰি পোৱা নাই, খেতিয়কে আত্মহত্যা কৰিছে, আপোনালোকে কিয় ভোট বেংকৰ বাবে বিদেশীক আনিব বিচাৰিছে? আপোনালোকে আমাৰ সীমিত সম্পদ বিতৰণ কৰিব বিচাৰিছে।‘’