চিকাগোত অনাহাৰে ঘূৰিছে ভাৰতীয় যুৱতী, বিদেশমন্ত্ৰীৰ দ্বাৰস্থ যুৱতীৰ মাতৃ।

চিকাগোৰ ৰাজপথত অনাহাৰে ঘূৰি ফুৰিবলগীয়া অৱস্থাৰ সৃষ্টি হৈছে এগৰাকী ভাৰতীয় যুৱতীয়ে। ইতিমধ্যে যুৱতীগৰাকীক বিপদৰ পৰা উদ্ধাৰ কৰি ঘৰলৈ ঘূৰাই অনাৰ ব্যৱস্থা কৰিবৰ বাবে বিদেশমন্ত্ৰীৰ কাষ চাপিছে যুৱতীগৰাকীৰ মাতৃ। জানিব পৰা মতে, উচ্চ শিক্ষাৰ বাবে আমেৰিকালৈ গৈছিল উক্ত যুৱতীগৰাকী।

শেহতীয়াকৈ সামাজিক মাধ্যমত ভাইৰেল হৈ পৰিছে মিনহাজ জাইদী নামৰ এগৰাকী মহিলাৰ ভিডিঅ’। অনাহাৰে অসহায় অৱস্থাত পদপথত বহি থকা এটা মিনহাজৰ এটা ভিডিঅ’ ভাইৰেল হৈ পৰিছে। 

ভিডিঅ’টো চোৱাৰ পাছতে হায়দৰাবাদৰ দুজন ব্যক্তিয়ে মিনহাজৰ পৰিয়ালক খবৰ দিয়ে। দুমাহমান আগতে হঠাতে পৰিয়ালটোৰ সৈতে যোগাযোগ নোহোৱা হৈ গৈছিল মিনহাজৰ। আমেৰিকালৈ গৈ সকলো হেৰুৱাই অসহায় অৱস্থাত অনাহাৰে হায়দৰাবাদৰ মহিলাগৰাকীয়ে ৰাজপথত ঘূৰি ফুৰিছে। 

মানসিকভাৱে তেওঁ ইমানেই বিধ্বস্ত হৈ পৰিছে যে তেওঁৰ নামটোও ভালকৈ ক’ব পৰা নাই। কিন্তু, মিনহাজক দেশলৈ ঘূৰাই অনাৰ আৰ্থিক সামৰ্থ্য তেওঁলোকৰ পৰিয়ালৰ নাই। ফলত বৈদেশিক মন্ত্ৰী জয়শংকৰৰ ওচৰত সহায় বিচাৰিছে মিনহাজৰ মাতৃয়ে।

খবৰ অনুসৰি, ডেট্ৰাইটৰ ট্ৰিনি বিশ্ববিদ্যালয়ৰ পৰা স্নাতকোত্তৰ ডিগ্ৰী লাভ কৰিবলৈ মিনহাজে আমেৰিকালৈ গুচি যায়। বৰ্তমান তেওঁ চিকাগোৰ ৰাজপথত অত্যন্ত অসহায় অৱস্থাত বাস কৰি আছে।

মিনহাজৰ মাতৃ ছ্যেদা ৱাহাজ ফাতিমাই কয় যে তেওঁৰ কন্যাই পঢ়া-শুনা আৰু কেৰিয়াৰক লৈ ডাঙৰ সপোন দেখিছিল। সেই সপোন পূৰণৰ বাবে ২০২১ চনৰ আগষ্ট মাহত মিনহাজ আমেৰিকালৈ গুচি যায়। কিন্তু, দুমাহমান আগতে পৰিয়ালটোৱে তেওঁৰ সৈতে যোগাযোগ হেৰুৱাই পেলাইছিল। বহু চেষ্টাৰ পিছতো ৱাহাজ ফাতিমাই কন্যাৰ সৈতে যোগাযোগ কৰিব নোৱাৰিলে।

ছ’চিয়েল মিডিয়াত ভাইৰেল হোৱা এটা ভিডিঅ’ত চিকাগোৰ এটা ৰাস্তাৰ কাষত থকা এটা ঘৰৰ দুৱাৰমুখত বহি থকা দেখা গৈছে মিনহাজ জাইদীক। জাইদীলৈ চালেই গম পোৱা যায় যে তেওঁ মানসিকভাৱে বিধ্বস্ত। তেওঁ নিজৰ নাম ঠিকনা সঠিকভাৱে ক’ব পৰা নাই। তেওঁৰ কথাৰ পৰা স্পষ্ট হৈ পৰিছে যে যোৱা কেইদিনমানৰ পৰা মিনহাজে খাদ্যও গ্ৰহণ কৰা নাই। 

Syeda Lulu Minhaj Zaidi from Hyd went to persue MS from TRINE University, Detroit was found in a very bad condition in Chicago, her mother appealed @DrSJaishankar to bring back her daughter.@HelplinePBSK @IndiainChicago @IndianEmbassyUS @sushilrTOI @meaMADAD pic.twitter.com/GIhJGaBA7a

— Amjed Ullah Khan MBT (@amjedmbt) July 25, 2023

ছ’চিয়েল মিডিয়াত ভিডিঅ’টো পোষ্ট কৰা ব্যক্তিজনে মিনহাজক কিছু খাদ্য দিছিল। তেওঁক ভাৰতলৈ উভতি যাবলৈও পৰামৰ্শ দিয়া হৈছে। কিন্তু, ঘৰলৈ কেনেকৈ উভতি যাব মিনহাজ? খাবলৈকে হাতত পইচা নাই।

মিনহাজৰ পৰিয়ালৰো সুদূৰ আমেৰিকাৰ পৰা কন্যাক দেশলৈ ঘূৰাই অনাৰ আৰ্থিক সামৰ্থ্য নাই। সেয়ে মিনহাজৰ মাতৃ ছ্যেদা ৱাহাজ ফাতিমাই জয়শংকৰৰ ওচৰত আবেদন জনাইছে। 

মাতৃয়ে বৈদেশিক মন্ত্ৰীগৰাকীক কয় যে মিনহাজ চৰম হতাশাত ভুগিছে, তেওঁৰ ধন চুৰি হৈছে আৰু বৰ্তমান তেওঁ অনাহাৰে আছে। 

মিনহাজৰ পৰিয়ালৰ লগতে বহু নেটিজেনে বৈদেশিক মন্ত্ৰীগৰাকীক মিনহাজক দেশলৈ ঘূৰি অহাৰ ব্যৱস্থা কৰিবলৈ আহ্বান জনাইছে।