কথাতে আছে জুইৰ লগত খেলা কৰাটো ভাল নহয়। জুইৰ লগত খেলা কৰিবলৈ গৈয়েই এজন যুৱক পৰিল বিপদত। এই বিষয়ত ইনষ্টাগ্ৰামত ভাইৰেল হৈ পৰা এটা পোষ্টে সকলোৰে দৃষ্টি আকৰ্ষণ কৰিছে।
পোষ্টটোত দেখা গৈছে যে মুখত পেট্ৰ’ল ভৰাই এজন যুৱকে জুইৰ খেল দেখুৱাইছে। কিন্তু জুইৰ খেল দেখুৱাবলৈ মুখত পেট্ৰ’ল ভৰাই লোৱাৰ পিছতে জুয়ে যুৱকজনৰ মুখমণ্ডল গ্ৰাস কৰাও দেখা গৈছে।
যুৱক জনে মুখৰ পৰা পেট্ৰ’ল উলিয়াই জুইৰ খেলবিধ দেখুৱাবলৈ চেষ্টা কৰিছিল।কিন্তু তেতিয়াই তেওঁৰ দাড়িত জুই লাগে। লগে লগে জুই গোটেই মুখমণ্ডলতে বিয়পি পৰে।
ইনষ্টাগ্ৰাম একাউণ্টত ভিডিঅ’টো ‘ৰবিপতিদাৰ৬০৩’ নামৰ এজনে শ্বেয়াৰ কৰিছে । অৱশ্যে ঘটনাটো ক’ৰ সেই বিষয়ত কোনো কথা উল্লেখ নাই। ভিডিঅ’টো ভাইৰেল হৈ পৰাৰ পিছতে বিভিন্ন জনে ঘটনাটোকলৈ নানা ধৰণৰ মন্তব্য কৰা দেখা গৈছে।
