আৰ জে মাহভাশৰ ছ’চিয়েল মিডিয়া পোষ্টত প্ৰতিক্ৰিয়া প্ৰকাশ কৰি চৰ্চাৰ কেন্দ্ৰবিন্দু হৈ পৰিছে যুজবেন্দ্ৰ চাহাল।
চাহালৰ নাম মাহভাশৰ সৈতে জড়িত হৈ পৰিছে। কাকতে-পত্ৰই তেওঁলোকৰ সম্পৰ্কৰ বিষয়ে লিখা প্ৰকাশ হৈ আছে। ডুবাইত চেম্পিয়নছ ট্ৰফীৰ ফাইনেলত দুয়োকে একেলগে দেখা গৈছিল। দুয়োজনৰ উপস্থিতিয়ে জল্পনা-কল্পনাৰ সৃষ্টি কৰিছিল।
চাহালৰ পৰা আইনগতভাৱে বিচ্ছিন্ন হৈছে ধনশ্ৰীয়ে। কিন্তু ভাৰতীয় স্পিনাৰগৰাকীয়ে নতুন সম্পৰ্কত সোমাই পৰিছে নেকি? বুধবাৰে মাহভাশে ছ’চিয়েল মিডিয়াত পোষ্ট কৰা ৰিলটোক লৈ অনুৰাগীসকলে চৰ্চা আৰম্ভ কৰি দিছে।
ৰিলত মাহভাশে কোৱা দেখা যায় যে “মোৰ জীৱনলৈ যিগৰাকী পুৰুষ আহিব তেওঁৱেই মোৰ জীৱনত একমাত্ৰ পুৰুষ হ’ব। তেওঁ মোৰ বন্ধু হ’ব, মোৰ প্ৰেমিক হ’ব, মোৰ স্বামী হ’ব। মোৰ জীৱনটো তেওঁৰ আশে-পাশে ঘূৰি থাকিব। মোক অপদাৰ্থ পুৰুষৰ প্ৰয়োজন নাই। আন কোনো পুৰুষৰ লগত মোৰ কথা পতাৰ প্ৰয়োজন নাই।”
চাহালে সেই ভিডিঅ’টো লাইক কৰিছে। ছ’চিয়েল মিডিয়াৰ অনুৰাগীসকলৰ মতে মাহভাশে পোষ্ট কৰা এই ৰিলৰ ইংগিত দিয়া পুৰুষগৰাকী হৈছে চাহাল। আৰ জে মাহভাশে পোষ্ট কৰা ভিডিঅ’টো চাহালে লাইক কৰাৰ পিছত অনুৰাগীয়ে লিখিছে, “চুকত বহি যুজি ভাইয়ে হাঁহিছে।” আন কোনোবাই কৈছে, ” আন সকলো অস্থায়ী, কিন্তু যুজবেন্দ্ৰ চাহালৰ পছন্দ একমাত্ৰ স্থায়ী।”
মাহভাশ এগৰাকী ইউটিউবাৰ। তেওঁৰ আন এক পৰিচয়ো আছে। মাহভাশ এগৰাকী জনপ্ৰিয় আৰ জে। যোৱা বছৰৰ ডিচেম্বৰ মাহত চাহালৰ সৈতে মাহভাশৰ ইনষ্টাগ্ৰাম পোষ্টৰ পিছত উৰাবাতৰি বিয়পি পৰে, দুয়োৱে সম্পৰ্ক গঢ়িছে নেকি? বাতৰিটোক ভিত্তিহীন বুলি কৈ মাহভাশে ট্ৰলিং বন্ধ কৰি দিছিল। কিন্তু মাহভাশৰ নতুন পোষ্টৰ পিছতে চাহালক লৈ নতুন জল্পনা-কল্পনা আৰম্ভ হৈছে।
