অসমৰ সংগীত জগতৰ নক্ষত্ৰ জুবিন গাৰ্গৰ মৰণোত্তৰ পৰীক্ষা মঙলবাৰে গুৱাহাটী চিকিৎসা মহাবিদ্যালয় আৰু হাস্পাতলত সম্পন্ন কৰা হয়।
জুবিন গাৰ্গৰ মৃতদেহ এতিয়া সৰুসজাই ষ্টেডিয়ামলৈ লৈ যোৱা হ’ব। তাৰ পৰা সোনাপুৰৰ হাতীমুৰা অভিমুখে শেষকৃত্যৰ শোভাযাত্ৰা আৰম্ভ হ’ব। তাতেই তেওঁৰ অন্তিম সৎকাৰ কৰা হ’ব।
পুৱাই গুৱাহাটী চিকিৎসা মহাবিদ্যালয় আৰু হাস্পাতলত জনতাৰ প্ৰিয়শিল্পী জুবিন গাৰ্গৰ মৰণোত্তৰ পৰীক্ষাৰ প্ৰস্তুতি আৰম্ভ হয়।
এই প্ৰক্ৰিয়াৰ বাবে এটা বিশেষ চিকিৎসা পেনেল গঠন কৰা হৈছে, য’ত জিএমচিএইচ, প্ৰাগজ্যোতিষপুৰ চিকিৎসা মহাবিদ্যালয়, আৰু এইমছৰ চাৰিজন চিকিৎসক আছে।
এই প্ৰক্ৰিয়া তদাৰক কৰিবলৈ ৰাজ্য আৰু জিলা প্ৰশাসনৰ জ্যেষ্ঠ বিষয়া, অসম আৰক্ষীৰ শীৰ্ষ বিষয়া, আৰু স্বাস্থ্য বিভাগৰ উচ্চ পদস্থ বিষয়াসকল উপস্থিত থাকে।
মুখ্যমন্ত্ৰী হিমন্ত বিশ্ব শৰ্মাই পূৰ্বে পুৱা ৭:৩০ বজাত মৰণোত্তৰ পৰীক্ষা কৰা হ’ব বুলি ঘোষণা কৰিছিল যদিও বৃহৎ সমাৱেশৰ সম্ভাৱনা আৰু পিছলৈ হ’ব পৰা সম্ভাৱ্য পৰিস্থিতিৰ বাবে এই সময়সূচী পুৱা ৫:৩০ বজালৈ আগবঢ়াই দিয়া হয়।
