গুৱাহাটীত কোভিড মহামাৰীৰ পৰিস্থিতিয়ে ক্ৰমাৎ সংকটজনক ৰূপ ধাৰণ কৰিছে। লাহে লাহে ভৰ্তি হৈ আহিছে চিকিৎসালয়ৰ বিচনা।
ব্যক্তিগত খণ্ডৰ চিকিৎসালয়ত কোভিড ৰোগীৰ বাবে নাইকিয়া হৈ আহিছে বিচনা।
তেনে সময়তে এইবোৰ পৰিস্থিতিৰ প্ৰতি লক্ষ্য ৰাখি জনপ্ৰিয় কণ্ঠ শিল্পী জুবিন গাৰ্গ আৰু তেওঁৰ পত্নী গৰীমা শইকীয়া গাৰ্গে লৈছে এক বিশেষ উদ্যোগ।
বৃন্দাবন চুপাৰমাৰ্টৰ তৰফৰ পৰা তেওঁলোকৰ কাহিলীপাৰাস্থিত দুমহলীয়া আৱাসগৃহটো “কোভিড কেয়াৰ কেন্দ্ৰ” হিচাপে ব্যৱহাৰ বাবে চৰকাৰক দিবলৈ ইচ্ছা প্ৰকাশ কৰাৰ কথা সামাজিক মাধ্যম যোগে জনাইছে।
গৰিমা শইকীয়া গাৰ্গে নিজা ফেইচবুকৰ একাউন্টৰ নিশা ১২ বজাৰ এক পোষ্টৰ জৰিয়তে এই ইচ্ছা প্ৰকাশ কৰিছে।
তেওঁ লগতে বৃন্দাবন থিয়েটাৰৰ দুখন ট্ৰাক সকলো সময়তে কোভিড সম্পৰ্কীয় কামত ব্যৱহাৰ কৰাৰ বাবে চৰকাৰ/প্ৰশাসনক প্ৰদান কৰাৰ বাবেও আগ্ৰহ প্ৰকাশ কৰিছে।
কোভিডৰ এই জটিল পৰিস্থিতিত জুবিন দম্পতীৰ এই মহানুভাৱতাৰ সকলোৱে একেমুখে শলাগ লৈছে।
