অসমৰ অতি মৰমৰ শিল্পী জুবিন গাৰ্গৰ মৃত্যুক লৈ ৰহস্য ক্ৰমে গভীৰ হৈ পৰাৰ সময়তে জুবিন গাৰ্গৰ মৃত্যুক লৈ মুখ খুলিছে তেওঁৰ সহযোগী কণ্ঠশিল্পী ছুইটী দাসে।
ছুইটী দাসে এটা ভিডিঅ’ত কয় যে ‘‘মই জুবিন গাৰ্গৰ সহঃশিল্পী হিচাপে জুবিন গাৰ্গৰ সৈতে অনুষ্ঠান পৰিৱেশ কৰি আছিলোঁ। বিশেষকৈ শ্যামকানু মহন্তক লৈ বিতৰ্কৰ সৃষ্টি হৈছে। জুবিন গাৰ্গ সম্পৰ্কে চলি থকা বিতৰ্কত মইয়ো কিছু কথা ক’ব খুজিছো। শ্যামকানু মহন্তই আৰ্টিষ্টক শুহি-শুহি খায়। নৰ্থ-ইষ্টৰ আৰ্টিষ্টক প্লেটফ’ৰ্ম দিয়াৰ নামত নিজে উপাৰ্জন কৰি আছে। জুবিন গাৰ্গেও শ্যামকানু মহন্তক বেয়া পায়। জুবিন দাই কৈয়েই থাকে সি আৰ্টিষ্টক শুহি খায়। নৰ্থ ইষ্টৰ আৰ্টিষ্টক প্লেটফৰ্ম দিয়াৰ নামত প্ৰাপ্য ধন নিদিয়ে। জুবিন দাই সেয়ে ৰঙালীত জানি বুজিয়েই খেলিমেলি কৰিছিল।’’
ছুইটী দাসে কয় যে ‘‘ৰঙালীৰ সময়ত কি কৰিছিল, চাওক। ৰঙালীত যেতিয়া দিনত ছাউণ্ড চেক কৰিবলৈ গৈছিলো, তেতিয়াই ভাবিছিলো আজি যদি জুবিন গাৰ্গে অনুষ্ঠান কৰে, তেন্তে বহুত খেলি-মেলি হ’ব। তাৰ আগতেই জুবিন দাই কৈছিল, এইবাৰ শ্যামকাণুক দি আছো। শিক্ষা দিব লাগিব। খং উঠিলে জুবিন দাই উদ্ভণ্ডালি কৰেই। সেয়ে গেটত গোৰ মাৰি আহিছিল।’’
ছুইটীয়ে কয়, ‘‘জুবিন গাৰ্গে শ্যামকানুক একেবাৰে ভাল পোৱা নাছিল। জুবিনদাই জানিছিল শ্যামকানু মহন্তই মানুহক শোষণ কৰে। নৰ্থ ইষ্ট ফেষ্টিভেলত জুবিন দা নিজৰ ইচ্ছাৰেই গৈছে নে তেওঁক লৈ যোৱা হৈছে সেইটো এতিয়া কোনে ক’ব। জুবিন গাৰ্গে কেৱল ফুৰিবলৈ গ’লে নিজেই কেতিয়াও নৰ্থ ইষ্ট ফেষ্টিভেলৰ প্ৰচাৰ কৰি ফেচবুকত নিদিলেহেঁতেন।’’
ইপিনে. জুবিনৰ মেনেজাৰ সিদ্ধাৰ্থ শৰ্মাৰ বিষয়েও বিস্ফোৰক মন্তব্য কৰিছে ছুইটী দাসে। তেওঁ কয় যে ‘‘জুবিন গাৰ্গৰ মেনেজমেণ্ট আগৰ পৰাই বিফল। সিদ্ধাৰ্থ শৰ্মা আগৰে পৰা অভদ্ৰ মানুহ। আমাৰ লগত আগৰে পৰা অভদ্ৰামি কৰে। পেলনীয়া বস্তুৰ নিচিনাকৈ আমাক ট্ৰীট কৰে। ছোৱালী আৰ্টিষ্টক আগৰ পৰাই ৰাস্তাত পৰি থকা সামগ্ৰী টাইপ ব্যৱহাৰ কৰে। সিদ্ধাৰ্থই চিধাই কয় মই কেৱল জুবিন গাৰ্গক চিনি পাওঁ নিজৰটো নিজেই চাবি। সিদ্ধাৰ্থ শৰ্মা আগৰ পৰাই বিফল মেনেজাৰ। আমাক জুবিন গাৰ্গে মেনেজ কৰিছিল।’’
ছুইটীয়ে কয়, ‘‘জুবিন গাৰ্গে আন্তঃৰাষ্ট্ৰীয় পৰ্যায়ত অনুষ্ঠান কৰিব গৈছে। জুবিনদাৰ ক্ষেত্ৰত মই যত্ন ল’লো হয়। দেখি যিটো অনুভৱ কৰিছো, এয়া মেনেজমেণ্টৰ বিফলতা। জুবিনৰ মৃত্যুৰ আগদিনা সিদ্ধাৰ্থ শৰ্মাৰ ষ্টেটাছত মদ খাই থকাৰ ফটো দেখিছিলো। ENJOY কৰিবলৈ ৩দিন আগত গৈছিল। যদি নিজেই ENJOY কৰা তেন্তে জুবিন গাৰ্গক চাবলৈ মানুহ নিব লাগিছিল। সিদিনা মোৰ নিজৰে খং উঠিছিল।’’
ছুইটীয়ে লগতে কয় যে এয়া মই পৰিকল্পিত হত্যাকাণ্ড বুলি নকও, কেয়াৰলেচৰ বাবে জুবিন গাৰ্গৰ প্ৰাণ গ’ল। অভদ্ৰ মেনেজাৰ কেতিয়াও কেপেৱ’ল হ’ব নোৱাৰে।’’
