বোকাখাত মহকুমাত থকা চাহ বাগিচা সমূহৰ বিভিন্ন জলন্ত সমস্যাৰ ওপৰত আলোচনা কৰাৰ উদ্দেশ্যে মহকুমাৰ সমুহ চাহ বাগিচাৰ পৰিচালক আৰু মহকুমাধিপতি বিবেক শ্যামৰ মাজত আজি বুধবাৰে এক বিশেষ বৈঠক অনুষ্ঠিত হয়।
মহকুমাধিপতিৰ কাৰ্যালয়ৰ সভা কক্ষত অনুষ্ঠিত এই বৈঠকত চাহ বাগিচাসমূহত বৰ্তি থকা অবৈধ মদৰ প্ৰচলন ৰোধ কৰিবৰ বাবে লব পৰা ব্যৱস্থা সমুহৰ ওপৰত আলোচনা কৰি বাগিচাসমূহক সূৰামুক্ত কৰাৰ বাবে যাৱতীয় ব্যবস্থা লোৱা হব বুলি মাহকুমাধিপতি গৰাকীয়ে উল্লেখ কৰে।
ইয়াৰ উপৰি মহিলা চাহ শ্ৰমিকসকলৰ স্বাস্থ্য ভাাৰু সুৰক্ষাৰ ওপৰত গুৰুত্ব আৰোপ কৰি বাগিচা সমূহত সঘনে সজাগতা সভা আয়োজন কৰিবলৈও বাগিচা পৰিচালক সকলক মহকুমাধিপতি গৰাকীয়ে আহ্বান জনায় ৷ এই ক্ষেত্ৰত মহকুমা প্রশাসনৰ ফালৰ পৰা যাৱতীয় ব্যৱস্থা গ্ৰহণ কৰা হ’ব বুলি তেওঁ জানিবলৈ দিয়ে।
চাহ বাগিচা সমূহত স্বচ্চ ভাৰত তাভিযানৰ অধীনত বিনামূলীয়া শৌচালয় নিমার্ণৰ অগ্ৰগতিৰ খতিয়ান লোৱাৰ লগতে বাগিচা সমূহৰ অন্তর্গত বিদ্যালয় তথা চিকিৎসালয় সমূহৰ অৱস্থাৰ বুজ লবৰ বাবে প্ৰতিখন চাহ বাগিচা পৰিদৰ্শন কৰাৰ বাবেও তেওঁ সিধান্ত গ্ৰহন কৰে ।
সহকাৰী আয়ুক্ত শান্তনু গগৈ তথা এবিটাৰ বিষয়ববীয়া উপস্থিত থকা আজিৰ উক্ত বৈঠকত অংশগ্ৰহণ কৰি নির্বাচনী বিষয়া জীমলি শইকীয়া কাকতীয়ে চাহ বাগিচাসমূহত নির্বাচন সম্বন্ধীয় সজাগতাৰ বাবে একোখনকৈ কমিতি গঠনৰ বাবেও পৰিচালক সকলক অনুৰোধ জনায় ।
