আজি সাঁকোমঠা খণ্ড উন্নয়ন বিষয়াৰ কাৰ্যালয়ৰ সভাকক্ষত অঞ্চলটোৰ দুই শতাধিক ক্ষুদ্ৰ চাহ খেতিয়কৰ অংশগ্ৰহণৰে প্ৰতাপ শইকীয়াৰ সভাপতিত্বত সাঁকোমঠা আঞ্চলিক ক্ষুদ্ৰ চাহ খেতিয়ক সন্থাৰ এখন সাধাৰণ সভা অনুষ্ঠিত হয়।
জিতেন শইকীয়াই আতঁ ধৰা সভাখনত ক্ষুদ্ৰ চাহ খেতিয়কৰ মাটিৰ পট্টা, পুঁজি গঠন ইত্যাদি বিভিন্ন সমস্যাৰ লগতে এখন শক্তিশালী নতুন সমিতি গঠন কৰা হয়। এই সমিতিখনত সভাৰ প্ৰস্তাৱ আৰু সমৰ্থন মৰ্মে ২১ জনীয়া সমিতিখনত পুনৰ প্ৰতাপ শইকীয়া আৰু জিতেন শইকীয়াক ক্ৰমে সভাপতি আৰু সম্পাদক ৰূপে নিৰ্বাচন কৰা হয়।
বিশ্বনাথ জিলাৰ নৱ-নিৰ্বাচিত সম্পাদক আৰু সহকাৰী সম্পাদক ক্ৰমে ডাঃ ৰঞ্জন গগৈ আৰু দেৱব্ৰত মেধিয়ে নিজৰ বক্তব্যত ক্ষুদ্ৰ চাহ খেতিয়কসকলে অসমৰ অৰ্থনৈতিক ক্ষেত্ৰখন টনকিয়াল কৰাৰ লগতে তেওঁলোকৰ যিবোৰ জ্বলন্ত সমস্যা আছে সেইবোৰ সমাধানৰ হকে বলিষ্ঠ পদক্ষেপ ল’বলৈ খেতিয়ক সকলক আহ্বান জনায়।
আনহাতে সভাৰ আৰম্ভণিতে মে’ দিৱসৰ লগত সংগতি ৰাখি সন্থাৰ কৰ্মকৰ্তা ৰাজু কৰ্মকাৰ আৰু বীৰেশ্বৰ ৰামচিয়াৰিক সম্বৰ্ধনা জনোৱা হয়।
