বোকাখাতৰ জে ডি এছ জি মহাবিদ্যালয়ত আজি পুৱাৰে পৰা আৰম্ভ হৈছে ডিব্ৰুগড় বিশ্ববিদ্যালয়ৰ আন্তঃ মহাবিদ্যালয় এথলেটিকচ প্ৰতিযোগিতা ৷
মহাবিদ্যালয়খনৰ খেল পথাৰত এই প্ৰতিযোগিতা আনুষ্ঠানিকভাৱে উদ্বোধন কৰে কেবিনেট মন্ত্ৰী তথা বোকাখাতৰ বিধায়ক অতুল বৰাই ৷
আজিৰ পৰা তিনিদিন ধৰি চলিব লগা উক্ত এথলেটিকচ প্ৰতিযোগিতাত ডিব্ৰুগড় বিশ্ববিদ্যালয়ৰ ৩০ খন মহাবিদ্যালয়ৰ তিনি শতাধিক ছাত্ৰ ছাত্ৰীয়ে অংশ গ্ৰহন কৰিছে ৷
উদ্বোধনী অনুষ্ঠানত কেবিনেট মন্ত্ৰী অতুল বৰাৰ লগতে গোলাঘাটৰ অতিৰিক্ত উপায়ুক্ত উৎপল দলে আৰু ডিব্ৰুগড় বিশ্ব বিদ্যালয়ৰ ক্ৰীড়া পৰিষদৰ সঞ্চালক ড৹ মন্টু বড়োও উপস্থিত থাকে ৷
উদ্বোধনী অনুষ্ঠানত মন্ত্ৰী অতুল বৰাই আন্তঃ মহাবিদ্যালয় এথলেটিকচ প্ৰতিযোগিতাৰ বাবে ড৹ জয়ন্ত দাসৰ সম্পাদনাত প্ৰকাশ কৰা ক্ৰীড়া এক ৰনাংগন শীৰ্ষক এক স্মৃতিগ্ৰন্থ আনুষ্ঠানিক ভাৱে উন্মোচন কৰে ৷
অহা তিনিদিন ধৰি বোকাখাতৰ জে ডি এছ জি মহাবিদ্যালয়ৰ খেল পথাৰত এই প্ৰতিযোগিতা চলিব ৷
