অহা ২১, ২২ আৰু ২৩ নৱেম্বৰত ইয়াৰ গ্ৰীন ফিল্ডত তিনি দিনীয়া বিনামূলীয়া যোগ শিবিৰ এটাত ভাগ লোৱাৰ উদ্দেশ্যে কাইলৈ কোকৰাঝাৰলৈ বাবা ৰামদেৱৰ আগমন ঘটিব । এই উপলক্ষে প্ৰস্তুতি সম্পূৰ্ণ হৈ উঠিছে। ৰামদেবৰ আগমনক কেন্দ্ৰ কৰি ইতিমধ্যে কোকৰাঝাৰ সদৰ চহৰ চাফ-চিকুণ কৰা হৈছে আৰু আজি বিটিচি সচিবালয়ৰ সন্মুখৰ পৰা এক বিশাল ৰেলি উলিওৱা হয় । এই সন্দৰ্ভত অভ্যৰ্থনা সমিতিৰ অধ্যক্ষ তথা বিধায়ক ৰবিৰাম নাৰ্জাৰীয়ে সদৰী কৰে যে অনুষ্ঠিত হ’ব লগীয়া বিনামুলীয়া যোগ শিবিৰটোত কমেও একলাখ লোকে অংশগ্ৰহণ কৰিব ।
