বিশ্বনাথৰ বীণাপানি নাট্য ভৱনত আজি ১ জুলাইত শোণিতপুৰ জিলা কাৰ্বি ছাত্ৰ সন্থাই কৃতী ছাত্ৰ-ছাত্ৰীৰ এক বিশেষ অভিনন্দন অনুষ্ঠান অনুষ্ঠিত কৰে।
সভাখনত ২৭০ গৰাকী কৃতী ছাত্ৰ ছাত্ৰীক সম্বৰ্ধনা জনোৱাৰ উপৰিও কৃতী ছাত্ৰী মিশ্মা তেৰাংপীক ‘জংথুং ক্ৰ’ আৰু শ্যাম তাৰৌ স্মাৰক বঁটা’ৰ লগতে এককালীন আৰ্থিক সাহায্য প্ৰদান কৰা হয়।
শোণিতপুৰ জিলা কাৰ্বি ছাত্ৰ সন্থাৰ শিক্ষা সম্পাদিকা প্ৰণিতা টেৰাংপীয়ে আঁত ধৰা অনুষ্ঠানটিত সভাপতিত্ব কৰে শোণিতপুৰ জিলা কাৰ্বি ছাত্ৰ সন্থাৰ ভাঃ সভাপতি হৰেনজিৎ টেৰণে উদ্দেশ্য ব্যাখ্যা আগবঢ়াই শোণিতপুৰ জিলা কাৰ্বি ছাত্ৰ সন্থাৰ সম্পাদক চাৰচিং টেৰাংঙে। সভাখনি উদ্বোধন কৰে জনস্বাস্থ্য কাৰিকৰী বিভাগৰ কাৰ্যবাহী অভিযন্তা ৰবীন চন্দ্ৰ দাসে।
মুখ্য অতিথি হিচাপে উপস্থিত থাকে সদৌ অসম ছাত্ৰ সন্থাৰ সহকাৰী সম্পাদক দুলদুল বৰকটকী, সদৌ অসম কাৰ্বি ছাত্ৰ সন্থাৰ উপদেষ্টা মংগল বে, সাধাৰণ সম্পাদক জয়ন্ত ইংতি, বিশ্বনাথ ৰাজহ চক্ৰ বিষয়া বিশ্বজিৎ শইকীয়া, সদৌ অসম কাৰ্বি ছাত্ৰ সন্থাৰ কাৰ্যকৰী সভাপতি শিৱ তেৰং, সাংগঠনিক সম্পাদক মংগল সিং ৰংহাং, প্ৰচাৰ সম্পাদক নিৰ্মল তেৰণ, সদৌ শোণিতপুৰ জিলা ছাত্ৰ সন্থাৰ সহকাৰী সম্পাদক মঃ আজমত শ্বেখ, বিশ্বনাথ জিলা জাতীয়তাবাদী যুৱ ছাত্র পৰিষদৰ সভাপতি কমলজিৎ দত্ত, বিশ্বনাথ জিলা নিখিল বড়ো ছাত্ৰ সন্থাৰ সভাপতি চুমেশ্বৰ বসুমতাৰী, বিশ্বনাথ জিলা গোৰ্খা ছাত্ৰ সন্থাৰ সভাপতি দীলিপ গজোৰেল, বিশ্বনাথ শাখা চাহ জনজাতি ছাত্ৰ সন্থাৰ সভাপতি মহেশ চত্ৰী, বিশ্বনাথ জিলা সংখ্যালঘু ছাত্ৰ ইউনিয়নৰ সভাপতি আমিল হক, পাভৈ আঞ্চলিক ছাত্ৰ সন্থাৰ ভাৰপ্ৰাপ্ত সভাপতি হেমন্ত সোনা, সম্পাদক জিন্টু বৰা, পাভৈৰ সমাজকৰ্মী চিকাৰী তেৰাং, মনিৰাম বেকে আদি কৰি কাৰ্বি ছাত্ৰ সন্থাৰ বিষয়ববীয়া আৰু প্ৰায় পাঁচ শতাধিক ৰাইজ।
