কৰিমগঞ্জত স্থানীয় ৰাইজে ড্ৰাগছ ব্যৱসায়ৰ সৈতে জড়িত দুজন যুৱকক কৰায়ত্ত কৰি আৰক্ষীক চমজাই দিয়ে।
উল্লেখযোগ্য যে কৰিমগঞ্জৰ ফকিৰাবজাৰত ড্ৰাগছ ব্যৱসায়ৰ লগত জড়িত যুৱক দুজনে স্থানীয় এজন লোকক ড্ৰাগছ দিবলৈ আহোতেই স্থানীয় ৰাইজে এই কথা জানিব পাৰি যুৱক দুজনক হাতে-লোটে কৰায়ত্ত কৰি আৰক্ষীক চমজাই দিয়ে।
অৱশ্যে ড্ৰাগছ সৰবৰাহকাৰী দুজনৰ লগৰ এজন পলাই যাবলৈ সক্ষম হয়।
পিছত আৰক্ষীয়ে ঘটনাস্থলীত উপস্থিত হৈ যুৱক দুজনক আটক কৰাৰ লগতে যুৱক দুজনে ড্ৰাগছ সৰবৰাহত ব্যৱহাৰ কৰা এখন এল্ট’ গাড়ীও জব্দ কৰে। আটকাধীন যুৱক দুজন ক্ৰমে মহম্মদ আলী আৰু জাবিৰ আহমেদ বুলি আৰক্ষীয়ে চিনাক্ত কৰিছে।
বৰ্তমান কৰিমগঞ্জ থানাত আৰক্ষীয়ে যুৱক দুজনক সোধ-পোছ অব্যাহত ৰাখিছে বুলি আৰক্ষী সূত্ৰৰ পৰা জানিব পৰা গৈছে।
উল্লেখযোগ্য যে বৰ্তমান একাংশ যুৱকে সহজতে ধন ঘটাৰ লালসাত পৰি এনেদৰে ড্ৰাগথ সৰবৰাহৰ দৰে অপৰাধমূলক কাৰ্যত জড়িত হৈ পৰিছে। লগতে অঞ্চলবিলাকৰ সামাজিক পৰিৱেশো বিনষ্ট কৰি আহিছে।
