নাগৰিকত্ব সংশোধনী বিধেয়কৰ বিৰুদ্ধে ব্ৰহ্মপুত্ৰ উপত্যকাৰ বিভিন্ন দল-সংগঠনে প্ৰতিবাদ তীব্ৰতৰ কৰি তোলাৰ সময়তে বিধেয়ক গৃহীত কৰাৰ দাবীত আজিৰ পৰা অনির্দিষ্টকালীন অনশনত বহিছে শিলচৰৰ পৃথক বৰাক দাবী সমিতিয়ে।
উল্লেখ্য যে বিগত কেইবা মাহ ধৰি ব্ৰহ্মপুত্ৰ উপত্যকাৰ বিভিন্ন অঞ্চলত নাগৰিকত্ব সংশোধনী বিধেয়ক বাতিলৰ দাবীত আৰু এন আৰ চি ৰূপায়ণক লৈ ৰাজ্যজুৰি অভাৱনীয় পৰিস্থিতি উদ্ভৱ হোৱাৰ সময়ত শিলচৰৰ পৃথক বৰাক দাবী সমিতিয়ে এইবাৰ আন্দোলনৰ ৰূপৰেখা সলাই বিধেয়কখন সংসদত গৃহীত কৰাৰ দাবীত এই অনশন কার্যসূচী গ্রহন কৰিছে।
পৃথক বৰাক দাবী সমিতিৰ সম্পাদক শুভদ্বীপ দত্তই আজিৰ পৰা ক্ষুধিৰাম মূর্তিৰ চৌহদত আৰম্ভ কৰা অনশনত সংগঠনটোৰ বিভিন্ন নেতাই অংশগ্ৰহণ কৰা পৰিলক্ষিত হয়। ইফালে সম্পাদকগৰাকীয়ে অনশন থলিৰ পৰাই বিধেয়ক প্ৰসংগত তাৎপৰ্যমূলক মন্তব্য কৰি কয়, ‘ধর্মৰ ভিত্তিত দেশ বিভাজন হৈছিল। সেয়ে ধর্মৰ ভিত্তিত নাগৰিকত্ব দিয়াৰ বিষয়টো যুক্তিসংগত’।
কিন্তু মন কৰিবলগীয়া যে ভাৰতত কোনো বিদেশী শৰণাৰ্থীকে আজিলৈ নাগৰিকত্ব প্ৰদান কৰা নাই, যিটো ভাৰতৰ ইতিহাস সাক্ষী হৈ আছে।