বুধবাৰে দুপৰীয়া বৰপেটা জিলা আৰু বঙাইগাঁও জিলাৰ বিভিন্ন প্ৰান্তত হোৱা এজাক প্ৰচণ্ড ধুমুহাৰ ফলত কলগাছিয়া, গুণীয়ালগুৰি আৰু কোকিলাৰ লগতে বিভিন্ন ঠাইত কেইবাটাও বিক্ষিপ্ত ঘটনা সংঘটিত হয়।
প্ৰাপ্ত তথ্য মতে ধুমুহাৰ লগতে হোৱা বজ্ৰপাতৰ ফলত কলগাছিয়াৰ বালাৰপথাৰত খেতি পথাৰত কাম কৰি থকা অৱস্থাত এজন লোক থিতাতে নিহত হয়।
আনহাতে কলগাছিয়াৰ গুণীয়ালগুৰিতো বজ্ৰ পৰি দুটাকৈ পশুধনৰ মৃত্যু হয় বুলি জানিব পৰা গৈছে।
তাৰোপৰি বঙাইগাঁও জিলাৰ কোকিলাত প্ৰচণ্ড ধুমুহাৰ ফলত নাৰিকল গছ ভাগি ছহিদুল ইছলাম নামৰ এজন লোক গুৰুতৰভাৱে আহত হয়।
গুৰুতৰভাৱে আঘাতপ্ৰাপ্ত ইছলামক কলগাছিয়াৰ বৰপেটা অসামৰিক চিকিৎসালয়ত ভৰ্তি কৰা হয় যদিও ইছলামৰ অৱস্থা সংকটজনক হোৱাত বৰপেটাৰ ফখৰুদ্দিন আলী আহমেদ মেডিকেল কলেজলৈ প্ৰেৰণ কৰা বুলি জানিব পৰা গৈছে।