বিদুৎ মাচুল বৃদ্ধি কৰাৰ বাবে JERCৰ ওচৰত প্ৰস্তাৱ মিজোৰাম চৰকাৰৰ

মিজোৰামত বিদুৎ মাচুল বৃদ্ধি কৰাৰ বাবে সোমবাৰে মণিপুৰ আৰু মিজোৰামৰ যুটীয়া বিদুৎ নিয়ামক আয়োগ(JERC)ৰ ওচৰত অনুমতি বিচাৰি প্ৰস্তাৱ আগবঢ়ালে ৰাজ্য চৰকাৰে।

ৰাজ্যিক শক্তি আৰু বৈদুৎতিক বিভাগৰ বিষয়াই কয় যে বৰ্তমান ৰাজ্য চৰকাৰে প্ৰতি য়ুনিট বিদ্যুত ৭.১৯ টকাকৈ খৰচ কৰাৰ বিপৰীতে গ্ৰাহকৰ পৰা আদায় লয় ৪.৬০ টকা। বৰ্তমান চৰকাৰে প্ৰতি য়ুনিটত ২.৫৮ টকাকৈ খৰচ কৰি আছে।

উল্লেখ্য যে পূৰ্বে গ্ৰাহকে আদায় দিয়া ৪.৬০ টকাৰ পৰা ৪.৬৭ টকালৈ বিদুৎ মাচুল বৃদ্ধি কৰাৰ বাবে এতিয়া এটা প্ৰস্তাৱ গ্ৰহণ কৰাৰ সিদ্ধান্ত লোৱা হোৱা বুলি চৰকাৰী বিষয়াই জানিবলৈ দিয়ে।

চৰকাৰী তথ্য অনুসৰি ২০১৭-১৮ বিত্তীয় বৰ্ষত মিজোৰাম চৰকাৰে বিদুৎৰ নামত ৯৮.৬৭ কোটি টকা খৰচ কৰা বুলি প্ৰকাশ কৰে।

উল্লেখ্য যে আইজলস্থিত বিদুৎ আৰু শক্তি বিভাগৰ মুখ্য অভিযন্তাৰ কাৰ্যালয়ত JERC ৰ অধ্যক্ষ এন জি শৰত সিঙে বিদুৎ মাচুল বৃদ্ধি কৰা সম্পৰ্কত আলোচনা কৰিবলৈ এখন ৰাজহুৱা সভাৰ আহ্বান কৰিছিল।

উক্ত ৰাজহুৱা সভাখনত ৰাজ্য চৰকাৰৰ বিষয়া, JERCৰ বিষয়ববীয়া আৰু বিভিন্ন এন জি অ’ৰ প্ৰতিনিধি সকলে অংশগ্ৰহণ কৰিছিল।

এইখিনিতে উল্লেখ কৰিব পাৰি যে ৰাজ্যখনত বিদুৎ মাচুল বৃদ্ধি সংক্ৰান্তত মিজোৰাম বিদুৎ আৰু শক্তি বিভাগে সকলো খুটি নাটি মাৰি নিৰীক্ষণ কৰিহে সিদ্ধান্ত ল’ব বুলি JERCৰ বিষয়া ববীয়াই জানিব দিয়ে।