আজি দুপৰীয়া বৰপেটাৰ ৩১ নং ৰাষ্টীয় ঘাইপথত এটা ভয়ংকৰ পথ দুৰ্ঘটনা সংঘটিত হৈছে। দুৰ্ঘটনাৰ স্থান হৈছে বৰপেটা জিলাৰ ভৱানীপুৰ। ঘটনাৰ বিৱৰণীমতে এ এছ-০১ চিচি-০৯৭৯নম্বৰৰ ৰেছমিনা নামৰ এখন বাছ ৩১নং ৰাষ্ট্ৰীয় ঘাইপথৰে বৰপেটা ৰোডৰ পৰা গুৱাহাটী অভিমুখে আহি থকা অৱস্থাত নিয়ন্ত্ৰণ হেৰুৱাই পথৰ বাগৰি পৰে।
চালকে গাড়ীখনৰ ওপৰত নিয়ন্ত্ৰণ ৰাখিব নোৱাৰাৰ বাবেই যাত্ৰী ভৰ্তি বাছখন ঘাইপথৰ পৰা বাগৰি পৰি এই ভয়কংৰ দুৰ্ঘটনাত পতিত হয় বুলি জানিব পৰা গৈছে।
এই ঘটনাত প্ৰায় ৩০গৰাকী যাত্ৰী আহত হয় বুলি জানিব পৰা গৈছে।তাৰে ভিতৰত ৩ জনৰ অৱস্থা সংকটজনক বুলি জানিব পৰা গৈছে।
আহতসকলক স্থানীয় ৰাইজৰ সহযোগিতাত ভৱানীপুৰ আৰক্ষীয়ে ভৱানীপুৰ প্ৰাথমিক স্বাস্থ্য কেন্দ্ৰত ভৰ্তি কৰি প্ৰাথমিক চিকিৎসা প্ৰদান কৰোৱায়। তাৰ পাচত আহত ব্যক্তিসকলক উন্নত চিকিৎসাৰ বাবে বৰপেটা মেডিকেল কলেজ হস্পিটাললৈ প্ৰেৰণ কৰা হৈছে।
