২০১৮ বৰ্ষৰ হাইস্কুল শিক্ষান্ত আৰু হাই মাদ্ৰাছা পৰীক্ষাৰ সম্ভাব্য সময়সূচী ঘোষণা

আগন্তুক ২০১৮ বৰ্ষৰ ফেব্ৰুৱাৰী মাহৰ  তৃতীয় সপ্তাহত অনুষ্ঠিত হ’ব  হাইস্কুল শিক্ষান্ত আৰু হাইমাদ্ৰাছা পৰীক্ষা । কালি এই কথা প্ৰকাশ কৰে ছেৱাই । ছেৱাই প্ৰকাশ কৰা তথ্য অনুসৰি ২০১৮ বৰ্ষত মুঠ ৩৫৬৬০০ পৰীক্ষাৰ্থীয়ে পৰীক্ষাত অৱতীৰ্ণ হ’ব । ইয়াৰ ভিতৰত  ৩৪৮১৫৭   গৰাকী হাইস্কুল শিক্ষান্ত আৰু  ৯৪৪২ গৰাকী পৰীক্ষাৰ্থী  হাই- মাদ্ৰাছা পৰীক্ষাত অৱতীৰ্ণ হ’ব । ২২ পৰা ২৩ জানুৱাৰীৰ ভিতৰত ১২ টা বিষয়ৰ ব্যৱহাৰিক পৰীক্ষা সমুহ সমাপ্ত কৰা  হ’ব আৰু লগতে মাঘ বিহুৰ পূৰ্বে পৰীক্ষাৰ্থীসকলে এডমিড কাৰ্ড  লাভ কৰিব বুলি ছেৱাই জানিবলৈ দিয়ে। মুঠ ৪২ টা মণ্ডলৰ ৮৫২ টা কেন্দ্ৰত অনুষ্ঠিত হব লগা পৰীক্ষাত পূৰ্বৰ আসোৱাহ সমূহ দূৰ কৰিবলৈ ছেৱাই কেইবাটাও গুৰুত্বপূৰ্ণ পদক্ষেপ হাতত লব  । ৭১ টা স্পৰ্শকাতৰ পৰীক্ষা কেন্দ্ৰত  ফ্লাইং স্কোৱাডৰ ব্যৱস্থা থাকিব বুলিও কয় । ১১ টা মণ্ডলত গণিতৰ বহী কম্পিউটাৰত পৰীক্ষণ কৰা হ’ব । ইয়াৰ লগতে এই বৰ্ষত এডমিট আৰু মাৰ্কশ্বীটৰ গুণগত মান পূৰ্বতকৈ উন্নত মানৰ হ’ব বুলিও উল্লেখ কৰে।  প্ৰথম বাৰৰ বাবে ছেৱাৰ  মাৰ্কশ্বীত আৰু এডমিত কাৰ্ডত ১২টা বিশেষ বৈশিষ্ট্য থাকিব বুলি ছেৱা কৰ্তৃপক্ষই  জানিবলৈ দিয়ে।