দেশ কঁপাই যোৱা উত্তৰ প্ৰদেশৰ হাথৰাছৰ তৰুণীৰ গণধৰ্ষণ কাণ্ডৰ পিছতো দেশত ধৰ্ষণ তথা নাৰী নিৰ্যাতনৰ ঘটনা কমা নাই।
বৰং প্ৰতিদিনে এনে জঘন্য ঘটনাৰ খবৰে সংবাদ মাধ্যমৰ শিৰোণাম দখল কৰি আহিছে।
এইবাৰ বিশেষভাৱে সক্ষম এগৰাকী ১২ বছৰীয়া কন্যা শিশুক ধৰ্ষণ কৰি হত্যা কৰাৰ খবৰ আহিছে।
এই জঘন্য ঘটনাটো সংঘটিত হৈছে গুজৰাটৰ বানাছকান্ত জিলাৰ দন্তিৱাড়া মৌজাৰ মটি ভাষৰ গাঁৱত।
আৰক্ষীৰ সূত্ৰৰ খবৰ অনুসৰি উক্ত গাঁওখনৰ এগৰাকী ১২ শিশু কন্যাক একগৰাকী আত্মীয়ই ধৰ্ষণ কৰাৰ পিছত হত্যা কৰে।
জিলা আৰক্ষী অধীক্ষক কুশল ওঝাই সংবাদ মাধ্যমৰ আগত কয় যে শনিবাৰে পুৱা বালিকা গৰাকীৰ মৃতদেহটো গাঁওখনৰ এটা পত্যন্ত এলেকাৰ পৰা আৰক্ষীয়ে উদ্ধাৰ কৰিছে।
ইতিমধ্যে মৰণোত্তৰ পৰীক্ষাৰ বাবে মৃতদেহটো প্ৰেৰণ কৰা হৈছে। এতিয়াও মৰণোত্তৰ পৰক্ষীৰ প্ৰতিবেদনৰ বাবে অপেক্ষা কৰি থকা হৈছে।
“এগৰাকী বালিকাক ধৰ্ষণ কৰাৰ পিছত হত্যা কৰা হৈছে। অভিযুক্তক বালিকা গৰাকীৰ এজন আত্মীয় বুলি চিনাক্ত কৰা হৈছে।” শনিবাৰে দান্তাৱাড়া আৰক্ষীয়ে কয়।
ইফালে ঘটনাৰ সন্দৰ্ভত মৃত বালিকা গৰাকীৰ এজন ২৫ বছৰীয়া আত্মীয়ক গ্ৰেপ্তাৰ কৰি তদন্ত আৰম্ভ কৰিছে বুলি জনাইছে দান্তাৱাড়া আৰক্ষীয়ে।
