লখিমপুৰৰ দুজন কিশোৰক নিজৰ জীৱনকো তুচ্ছ কৰি অতি প্ৰাকৃতিক দুৰ্যোগৰ মাজত বানপানীত উটি যাবলৈ ধৰা এটি শিশুক তেওঁলোকে সাহসিকতাৰে উদ্ধাৰ কৰা তথা জীৱন বচোৱাৰ বাবে এক ৰাষ্ট্ৰীয় অসামৰিক বঁটা জীৱন ৰক্ষক পদক লাভ কৰে।
ঘিলামৰা ৰাজহ চক্ৰৰ অধীনৰ মাছখোৱাৰ চুনি আৰু বিৰচি তাওতালৰ পুত্ৰ মনোজ চাওতাল(১৭) আৰু ঘিলামৰাৰ মাজগাঁওৰ তপন আৰু লিলি গাৰাহৰ পুত্ৰ ৰাজু গাৰাহক উত্তৰ লখিমপুৰৰ জিলা পুথিভঁৰাল প্ৰেক্ষাগৃহত অনুষ্ঠিত এক অনুষ্ঠানত অসামৰিক জীৱনৰক্ষক পুৰস্কাৰটো প্ৰদান কৰা হয়।
লখিমপুৰ জিলাৰ উপায়ুক্ত ড০ জীৱন বি’য়ে এই পুৰস্কাৰ প্ৰদান অনুষ্ঠানত সভাপতিত্ব কৰে। তদুপৰি, প্ৰসিদ্ধ শিক্ষাবিদ ড০ মুকুন্দ ৰাজবংশী আৰু উত্তৰ লখিমপুৰ মহাবিদ্যালয়ৰ অধ্যক্ষ ড০ বি চি চেতিয়াই পুৰস্কাৰ প্ৰদান অনুষ্ঠানত আমন্ত্ৰিত অতিথি হিচাপে উপস্থিত থাকে।
জীৱনৰক্ষক পদকটো হৈছে ভাৰত চৰকাৰে প্ৰদান কৰা এটা অসামৰিক জীৱনৰক্ষক পুৰস্কাৰ। ১৯৬১ চনৰ ৩০ ছেপ্টেম্বৰত প্ৰতিষ্ঠা কৰা পুৰস্কাৰটোক আৰম্ভণিতে জীৱন ৰক্ষক পদক, দ্বিতীয় শ্ৰেণী বুলি কোৱা হৈছিল।
পানীত ডুবিব ধৰা, জুই বা খনি দুৰ্ঘটনাৰ পৰা জীৱন বচোৱা অসামৰিক লোকলৈ এই পুৰস্কাৰ আগবঢ়োৱা হয়। এই পুৰস্কাৰ ‘’সাহস আৰু উদ্ধাৰকাৰীৰ শৰীৰত তীব্ৰ আঘাতৰ সম্ভাৱনা থকা পৰিস্থিতিত জীৱন বচোৱা’’ৰ বাবে প্ৰদান কৰা হয়।
কিশোৰ দুজনে এটি শিশু মুকুট আৰু সুমিতা চিন্তেৰ পুত্ৰ অবিনাশ চিন্তেক যোৱা ২০১৮ চনৰ ৫ জুনত জীয়াধল-ন-নদী নৈৰ বানপানীত উটি যোৱাৰ পৰা উদ্ধাৰ কৰাত দেখুওৱা সাহসিকতাৰ স্বীকৃতিস্বৰূপে তেওঁলোকক এই পুৰস্কাৰ আগবঢ়োৱা হৈছে।
উক্ত অনুষ্ঠানতে কিশোৰ দুজনক পদকৰ লগতে লখিমপুৰৰ উপায়ুক্তই ১ লাখ টকাৰ চেক প্ৰদান কৰে। অনুষ্ঠানত জিলা উন্নয়ন আয়ুক্ত ৰীণা মেচ আৰু অতিৰিক্ত আয়ুক্ত দেৱাশিস গোস্বামীও উপস্থিত থাকে।
