২০০৮ চনৰ মুম্বাই বিস্ফোৰণৰ মূল খলনায়ক হাফিজ ছয়ীদক ৩১ বছৰৰ কাৰাদণ্ডৰে দণ্ডিত কৰা হৈছে।
পাকিস্তানৰ এখন আদালতে আজি এই ৰায় প্ৰদান কৰিছে।
সন্ত্ৰাসবাদীক ধন যোগান ধৰাৰ অভিযোগত দোষী সাব্যস্ত কৰা হৈছে সন্ত্ৰাসবাদী হাফিজ ছয়ীদক।
তদুপৰি, তেওঁৰ সকলো সম্পত্তি বাজেয়াপ্ত কৰাৰ লগতে তিনি লাখ চল্লিছ হাজাৰ টকা জৰিমণা বিহা হৈছে।
উল্লেখযোগ্য যে ২০০৮ চনৰ ২৬ নৱেম্বৰৰ ভয়াৱহ মু্ম্বাই বিস্ফোৰণৰ মূল খলনায়ক আছিল এই হাফিজ ছয়ীদ। বিস্ফোৰণটোত ১৬৬ জনকৈ নিৰীহ লোকৰ প্ৰাণহানি ঘটিছিল।
সত্তৰ বৰ্ষীয় ইছলামিক সন্ত্ৰাসবাদীজন কুখ্যাত ইছলামিক সংগঠন লস্কৰ-ই-তৈবাৰ প্ৰতিষ্ঠাপক আৰু জামাত উদ দাৱাৰ মুৰব্বী।
ইয়াৰ পূৰ্বেও কেইবাবাৰো ছয়ীদক কাৰাগাৰলৈ প্ৰেৰণ কৰাৰ লগতে গৃহবন্দী কৰা হৈছিল। কিন্তু এইসমূহ অমান্য কৰি মুক্তভাৱে বিচৰণ কৰি আহিছিল দুধৰ্ষ সন্ত্ৰাসবাদীজন।
আমেৰিকা যুক্তৰাষ্ট্ৰৰ বৈদেশিক মন্ত্ৰালয়ৰ তথ্য অনুসৰি ২০০১ চনৰ পৰা ছয়ীদক আঠবাৰকৈ কাৰাগাৰলৈ প্ৰেৰণ কৰা হৈছিল।