ৰাজ্যত পুনৰ একেলগে ২৬ গৰাকী ব্যক্তিৰ দেহত ধৰা পৰিছে ক’ৰ’না ভাইৰাছৰ উপস্থিতি।
নতুনকৈ ক’ৰ’না ভাইৰাছত আক্ৰান্ত ২৬ গৰাকী ব্যক্তিৰ আটাইকেইগৰাকীয়ে সৰুসজাই কোৱাৰেণ্টাইনত চেণ্টাৰৰ।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰ যোগে এই কথা সদৰি কৰে।
?Alert ~ In the biggest one-time spike in cases, 26 cases are confirmed #COVID19 +. They are all from Sarusajai Quarantine Centre.
↗️Total cases 256
↗️Recovered 54
↗️Active cases 195
↗️Deaths 04
↗️Migrated 03Update 7.45 pm / May 22#AssamCovidCount pic.twitter.com/HsAoL1s9Wz
— Himanta Biswa Sarma (@himantabiswa) May 22, 2020
নতুনকৈ ক’ৰ’না ভাইৰাছত আক্ৰান্ত হোৱা ২৬ গৰাকী ব্যক্তিকে ধৰি অসমত বৰ্তমানলৈ মুঠ ২৫৬ গৰাকীলৈ বৃদ্ধি পালে ক’ৰ’নাত আক্ৰান্তৰ সংখ্যা।
ইয়াকে লৈ শুকুৰবাৰৰ দিনটোত এইপৰ্য্যন্ত অসমত ৪৬ গৰাকী লোকক ক’ভিড-১৯ পজিটিভ পোৱা গৈছে।
এতিয়ালৈ অসমত চাৰিগৰাকী মৃত্যু মুখত পৰিছে ৷
কিছু সময় পূৰ্বে শিলচৰ মেডিকেল কলেজ, কাছাৰ জিলা আৰু MMCH মিলাই ৮ গৰাকী লোক পজিটিভ পোৱা গৈছিল।
তাৰ কিছু সময় পূৰ্বে তেজপুৰ কুৱাৰেন্টাইন চেণ্টাৰত ছয়গৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছে।
আনহাতে, শিলচৰ কুৱাৰেন্টাইন চেণ্টাৰত দুগৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল। লোকদুজন ক্ৰমে কাছাৰ আৰু হাইলাকান্দিৰ ।
তাৰ ঠিক কিছু সময় পূৰ্বে শিৱসাগৰ জিলাত দুগৰাকী আৰু তেজপুৰ বিশ্ববিদ্যালয়ৰ কুৱাৰেন্টাইন চেণ্টাৰত ধৰা পৰিছিল দুটা কেচ। তাত আক্ৰান্ত কেইগৰাকীৰ এগৰাকী ঢকুৱাখনা আৰু এগৰাকী ওদালগুৰিৰ।
কালিৰ দিনটোতে ২২ গৰাকীকৈ লোক আক্ৰান্ত হৈছে কোভিড-১৯ ত।
কালি নিশা তেজপুৰ বিশ্ববিদ্যালয়ৰ কুৱাৰেন্টাইন চেণ্টাৰৰ সাতগৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল। আক্ৰান্ত সকলৰ ৫ গৰাকী শোণিতপুৰ জিলাৰ আৰু দুগৰাকী লখিমপুৰ জিলাৰ।
ৰাজ্যত চাৰি দিনৰ ভিতৰত শতাধিক লোক কোভিড-১৯ ত আক্ৰান্ত হৈছে।
পৰহি দিনটোত ৩১ গৰাকীকৈ লোক এই কোভিড-১৯ ভাইৰাছৰ সংক্ৰমণ হৈছে।
যোৱা ১৯ মে ত ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।
উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ১৯৫ গৰাকী লোক আক্ৰান্ত হৈছে এই মাৰাত্মক কোভিড-১৯ত।