পাকিস্তানী সন্ত্ৰাসবাদীয়ে অস্থিৰ কৰি ৰখা জম্মু-কাশ্মীৰত নিৰাপত্তাৰক্ষীয়ে যোৱা ২৪ ঘণ্টাত কুলগামত দুটা অভিযানত তিনিজন জৈছ-ই-মহম্মদ (জেইএম)ৰ সন্ত্ৰাসবাদীক হত্যা কৰে।
আৰক্ষীয়ে কুলগামৰ আহৱাটু অঞ্চলত সন্ত্ৰাসবাদীৰ উপস্থিতিৰ বিষয়ে চোৰাংচোৱাৰ পৰা তথ্য লাভ কৰাৰ পিছতে অঞ্চলটোত আৰক্ষী, সেনা আৰু কেন্দ্ৰীয় সংৰক্ষিত আৰক্ষী বাহিনীৰ (চিআৰপিএফ) এক সন্মিলিত অভিযান আৰম্ভ কৰে।
সন্ত্ৰাসবাদীসকলে নিৰাপত্তাৰক্ষীৰ ওপৰত নিৰ্বিচাৰভাৱে গুলীচালনা কৰাৰ পিছতে নিৰপত্তাৰক্ষীয়েও গুলীৰে প্ৰত্যুত্তৰ দিয়ে।আৰক্ষীয়ে প্ৰকাশ কৰা মতে এই সংঘৰ্ষত দুজন সন্ত্ৰাসবাদী নিহত হয়।
লগতে চাব পাৰেঃপাকিস্তানত হেলিকপ্টাৰ দুৰ্ঘটনাত সেনাৰ দুজন মেজৰসহ নিহত ৬জন
নিহত সন্ত্ৰাসবাদী দুজনক বাটপোৰাৰ মহম্মদ শফি গনি আৰু টাকিয়াৰ মহম্মদ আচিফ ৱানী ওৰফে য়াৱাৰ বুলি চিনাক্ত কৰাহৈছে। নিহত সন্ত্ৰাসবাদী দুয়োজন সন্ত্ৰাসবাদী সংগঠন জৈছ-ই-মহম্মদৰ (জেইএম) সৈতে জড়িত আছিল।
ইয়াৰ পূৰ্বে আৰক্ষীয়ে সেনা আৰু চিআৰপিএফৰ সৈতে কুলগামৰ বাটপোৰা গাঁৱত অঞ্চলটোত সন্ত্ৰাসবাদীৰ উপস্থিতিৰ বিষয়ে জনাৰ পিছত অভিযান আৰম্ভ কৰে। অভিযানত আবু হুৰাৰা হ’ল নামৰ এজন পাকিস্তানী সন্ত্ৰাসবাদী নিহত হয়।