এগৰাকী ১৭ বছৰীয়া কিশোৰীক চাকৰি দিয়াৰ প্ৰলোভন দি দলবদ্ধ ধৰ্ষণ কৰিছে তিনি লম্পটে। মহাৰাষ্ট্ৰৰ পালঘৰ জিলাত সংঘটিত হৈছে এই নাৰকীয় ঘটনা।
জিলা গ্ৰাম্য আৰক্ষী নিয়ন্ত্ৰণ কক্ষৰ এজন বিষয়াই সংবাদ মাধ্যমৰ আগত এই ঘৃণনীয় ঘটনাৰ বিষয়ে জানিবলৈ দিয়ে যদিও ঘটনাৰ কোনো বিৱৰণ দিয়াৰ পৰা আঁতৰি থাকে।
ভুক্তভোগী কিশোৰীগৰাকীয়ে পিছত আৰক্ষীৰ কাষ চাপি এখন এজাহাৰ দাখিল কৰে।
অভিযুক্ত কেইজনৰ বিৰুদ্ধে ভাৰতীয় দণ্ডবিধি ধাৰা ৩৭৬ (ধৰ্ষণ) আৰু যৌন অপৰাধৰ পৰা শিশুৰ সুৰক্ষা (POCSO) আইনৰ ধাৰাৰ অধীনত গোচৰ ৰুজু কৰা হৈছে।
পালঘৰ আৰক্ষী থানাৰ এজন বিষয়াই কৰা মন্তব্য অনুসৰি পৰৱৰ্তী সময়ত আৰক্ষীয়ে ৩৯ বছৰ বয়সৰ এজন অভিযুক্তক গ্ৰেপ্তাৰ কৰে। লগতে আন এজন অভিযুক্তৰ পত্নীক ইয়াত জড়িত থকাৰ অভিযোগত গ্ৰেপ্তাৰ কৰা হৈছে।
এজাহাৰখনত নাম থকা আন দুজন লোকৰ সন্ধানত অনুসন্ধান অব্যাহত আছে বুলি জানিবলৈ দিয়ে বিষয়াজনে।
