শুকুৰবাৰে নেপালত সংঘটিত হয় এক ভয়ানক বাছ দুৰ্ঘটনা। পোখাৰাৰ পৰা কাঠমাণ্ডুলৈ যাওঁতে যাত্ৰী ভৰ্তি বাছখন তনহুন জিলাৰ মাৰ্ছিয়াংৰি নদীত বাগৰি পৰে।
সূত্ৰৰ মতে বাছখনত চালক আৰু ক্ৰুকে ধৰি ৪৩ জন যাত্ৰী আছিল। ইয়াৰে বৰ্তমানলৈ ৪১ টা মৃতদেহ উদ্ধাৰ হৈছে।
জানিব পৰা মতে, বাছখনৰ অধিকাংশ যাত্ৰী আছিল মহাৰাষ্ট্ৰৰ। ইতিমধ্যে দিল্লীৰ কাষ চাপিছে নিহত সকলৰ পৰিয়ালৰ লোক। ভাৰতীয় বায়ুসেনাৰ হেলিকপ্টাৰলৈ মৃতদেহ ঘূৰাই অনাৰ প্ৰক্ৰিয়া আৰম্ভ হৈছে।
সংবাদ সংস্থাৰ সূত্ৰ অনুসৰি দুৰ্ঘটনা সংঘটিত হোৱাৰ পিছতে স্থানীয় ৰাইজে উদ্ধাৰ কাম আৰম্ভ কৰে।
শুকুৰবাৰে সংঘটিত হোৱা দুৰ্ঘটনাৰ পিছত সেই স্থানৰ পৰা ১৪ জন লোকৰ মৃতদেহ উদ্ধাৰ কৰা হয়। সেই সময়ত মহাৰাষ্ট্ৰৰ মুখ্যমন্ত্ৰী একনাথ শিণ্ডে কেন্দ্ৰীয় গৃহমন্ত্ৰী অমিত শ্বাহৰ সৈতে যোগাযোগ কৰি দুৰ্ঘটনাগ্ৰস্ত বাছখনৰ যাত্ৰীসকলক ৰাজ্যলৈ ঘূৰাই অনাৰ পদক্ষেপৰ বিষয়ে অৱগত কৰে।
জানিব পৰা মতে শনিবাৰে ভাৰতীয় সেনাৰ বিমানে প্ৰথমে ২৪টা মৃতদেহ ঘূৰাই আনিব। নাচিকৰ পৰিয়ালকেইটাক চৰকাৰে গতাই দিব মৃতদেহ।
