উৎকোচ গ্ৰহণ কৰাৰ অভিযোগত শুকুৰবাৰে অপৰাধ অনুসন্ধান বিভাগে বজালী আৰক্ষী থানাৰ ৫ জন আৰক্ষী বিষয়া আৰু দুজন চালকক আটক কৰে।
উপ আৰক্ষী অধীক্ষক পুস্কল গগৈ, উপপৰিদৰ্শক অনুপ জ্যোতি পাতিৰি, দেবাজিত গিৰি, সহকাৰী উপপৰিদৰ্শক শশাংক দাস, কনিষ্ঠবল ইনজামুল হাসান আৰু দুই চালক ক্ৰমে দীপজয় ৰয় নবীৰ আহমেদক আটক কৰিছে অসম আৰক্ষীৰ অনুসন্ধান বিভাগ তথা চিআইডি – এ।
এজন চুপাৰী ব্যৱসায়ীয়ে দাখিল কৰা অভিযোগৰ পিছতেই আৰক্ষী বিষয়াগৰাকীক গ্ৰেপ্তাৰ কৰা হৈছে।
উল্লেখযোগ্য যে ধন দাবীৰ অভিযোগ পোৱাৰ পিছত আগষ্ট মাহৰ প্ৰথম সপ্তাহত ভিজিলেন্স আৰু দুৰ্নীতি বিৰোধী সঞ্চালকালয়ে তদন্ত আৰম্ভ কৰিছিল। সেই ভিত্তিত ৩১ আগষ্টত অপৰাধমূলক গোচৰ ৰুজু হৈছিল।
বৰ্তমান এই অভিযোগৰ ওপৰত অধিক তদন্ত অব্যাহত ৰাখিছে অপৰাধ অনুসন্ধান বিভাগে।
