সভ্য সমাজক লজ্জানত কৰা এক জঘন্য ঘটনা সংঘটিত হৈছে মৰিগাঁও জিলাৰ চৰাইবাহীত ।
ঘটনাৰ সন্দৰ্ভত প্ৰাপ্ত তথ্য মতে মিকিৰভেটা আৰক্ষী থানাৰ অন্তৰ্গত চৰাইবাহী মৌজাৰ মেধিগাঁৱৰ নোমল বৰদলৈ নামৰ এজন ৫৩বছৰীয়া লোকে একে গাঁৱৰে জীয়ৰীৰ বয়সৰ কিশোৰীক অন্তঃসত্বা কৰে ।
দিন হাজিৰা কৰি খোৱা কিশোৰী গৰাকীৰ পিতৃ- মাতৃ কামলৈ যোৱাৰ সময়ত লোক জনে বিভিন্ন প্ৰলোভন দি দীৰ্ঘদিন ধৰি দৈহিক সম্পৰ্ক গঢ়ি তুলিছিল।
চাৰি মাহ পূৰ্বৰে পৰা চলোৱা শাৰীৰিক সম্পৰ্কত অষ্টম শ্ৰেণীত পঢ়ি থকা কিশোৰী গৰাকী চাৰি মহীয়া অন্তঃসত্বা হয়।
কিশোৰী গৰাকীয়ে কালি নিশা মাকক লোকজনৰ জঘন্য কাণ্ডৰ কথা কান্দি কান্দি বিৱৰি কোৱাত সোমবাৰে মেধিগাঁৱৰ নামঘৰত মহিলা সমিতি আৰু ৰাইজ মেল আয়োজন কৰে।
উক্ত মেলত নোমল বৰদলৈয়ে নিজৰ কৃতকৰ্মৰ বিষয়ে স্বীকাৰ কৰে যদিও সুযোগ বুজি মেলৰ পৰা পলায়ন কৰে।
লগে লগে নোমলক বিচাৰি চলাথ কৰা হয় যদিও অপৰাধীক বিচাৰি নাপাই মীমাংসাৰ সময় উকলি যোৱাত পৰিয়ালৰ লোকৰ সহযোগত মিকিৰভেটা থানাত ৪৯৯/২০ নং ৩৭৬{৩} আৰু ৩ আৰ/ ডব্লিউ ছেকশ্যন ৬ পি ঔ চি এছ অ’ ধাৰাত এটি গোচৰ পঞ্জীয়ন কৰে ।
আজি কিশোৰী গৰাকীৰ স্বাস্থ্য পৰীক্ষা কৰা হব বুলি জানিব পৰা গৈছে। এনে এক জঘন্য কাণ্ডই সমগ্ৰ অঞ্চলটোত তীব্ৰ
চাঞ্চল্যৰ সৃষ্টি কৰিছে।
সম্প্ৰতি আছামী পলাতক হৈ আছে বুলি জানিব পৰা গৈছে ।
আনহাতে ৰাইজে দোষী ব্যক্তিগৰাকীক কৰায়ত্ব কৰি কঠোৰতম শাস্তি প্ৰদান কৰিবলৈ আৰক্ষী প্ৰশাসন তথা জিলা প্ৰশাসনক দাবী জনাইছে ভুক্তভোগী পৰিয়ালটিৰ লগতে স্থানীয় বাসিন্দাসকলে ।