তেওঁৰ নাম ৰাজকৰণ বৰুৱা। এই ব্যক্তিজনে এম এছ চি ডিগ্ৰী লাভৰ বাবে প্ৰায় আধা জীৱন শেষ কৰিলে, কিন্তু সাহস নেহেৰুৱালে। এই সময়ছোৱাত বৰুৱাক মানুহে বহুত ঠাট্টা কৰিছিল যদিও তেওঁ কেৱল নিজৰ লক্ষ্যৰ দিশে ধাৱমান হৈ থাকিল। ধৈৰ্য্যৰে কঠোৰ পৰিশ্ৰম কৰি গ’ল। ফলাফল চাওক, একেৰাহে ২৩ বাৰ ফেইল কৰাৰ পিছত অৱশেষত ৫৬ বছৰ বয়সত পৰীক্ষাত উত্তীৰ্ণ হ’ল বৰুৱাই।
বৰুৱা জবলপুৰৰ বাসিন্দা। তেওঁ নিজৰ সপোনক জীয়াই ৰাখিছে বুলি ক’লেও ভুল নহ’ব। সম্পূৰ্ণ কৰিবলৈ ২৫ বছৰ লাগিলেও আজি তেওঁ গৌৰৱেৰে কৈছে – মোৰ এম এছ চি (গণিত) ডিগ্ৰী আছে।
টাইমছ অৱ ইণ্ডিয়াক বৰুৱাই কয় যে ২০২১ চনত যেতিয়া তেওঁ এম এছ চি পৰীক্ষাত উত্তীৰ্ণ হৈছিল তেতিয়া তেওঁৰ আনন্দৰ কোনো সীমা নাছিল। পৰিস্থিতি এনেকুৱা আছিল যে নিজেই বন্ধ কোঠা এটাত তেওঁ আনন্দত জপিয়াই নিজকে অভিনন্দন জনাইছিল। বৰুৱাই ৰাণী দুৰ্গাৱতী বিশ্ববিদ্যালয়ৰ পৰা গণিতত এম এচ চি কৰিবলৈ পঞ্জীয়ন কৰিছিল।
লগতে পঢ়কঃ IIT, IIM-ত অধ্যয়ন, গঢ়ি তোলে কেইবাশ কোটি টকাৰ কোম্পানী! কিন্তু এইবাৰ ২০ বছৰ খাব লাগিব জেলৰ ভাত
তেওঁ কয় যে ১৯৯৭ চনত তেওঁ প্ৰথমবাৰৰ বাবে এম এছ চি পৰীক্ষাত অৱতীৰ্ণ হৈছিল আৰু ফেইল কৰিছিল। পৰৱৰ্তী ১০ বছৰ পাঁচটা বিষয়ৰ ভিতৰত এটা বিষয়হে উত্তীৰ্ণ হ’ব পাৰিছিল যদিও কেতিয়াও হাৰ মনা নাছিল।
তেওঁ কয়, ‘মানুহে কি ভাবে তাক লৈ মই কেতিয়াও চিন্তা কৰা নাছিলো। কেৱল মোৰ সপোন পূৰণত মনোনিৱেশ কৰিছিলো।’ অৱশেষত ২০২০ চনত বৰুৱাই প্ৰথম বৰ্ষৰ পৰীক্ষাত উত্তীৰ্ণ হয়। পিছৰ বছৰতে অৰ্থাৎ ২০২১ চনত তেওঁ দ্বিতীয় বৰ্ষও ক্লিয়াৰ কৰিলে।
সংবাদ মাধ্যমৰ বাতৰি অনুসৰি বৰুৱাই পঢ়া-শুনাৰ লগতে কাম কৰিছিল। আনৰ ঘৰতো কাম কৰি জীৱিকা উপাৰ্জন কৰি আহিছে। ইয়াৰ উপৰিও তেওঁ ডাবল শ্বিফটত ছিকিউৰিটি গাৰ্ড হিচাপে কাম কৰি আহিছে। যাৰ বাবে তেওঁ প্ৰতিমাহে ৫ হাজাৰ টকা পাইছিল। এই সময়ছোৱাত বহু প্ৰতিকূল পৰিস্থিতি আহিছিল যদিও বৰুৱাই হাৰ মনা নাছিল।
লগতে পঢ়কঃউদ্বেগজনক! চতুৰ্থ শ্ৰেণীৰ ছাত্ৰক ১০৮ বাৰ কম্পাছেৰে খুচিলে সহপাঠীয়ে; থানাত অভিযোগ দাখিল পিতৃৰ
১৯৯৩ চনত তেওঁ স্নাতক ডিগ্ৰী লাভ কৰে। ইয়াক সম্পূৰ্ণ কৰাৰ কাহিনীও কম প্ৰেৰণাদায়ক নহয়। পুৰণি কিতাপ কিনি শিক্ষা অৰ্জন কৰিছিল। বেছিভাগ কিতাপ স্ক্ৰেপ ব্যৱসায়ীৰ পৰা কিনি আনিছিল। ইয়াৰ পিছত তেওঁ স্নাতকোত্তৰ ডিগ্ৰী ল’বলৈ মন বান্ধে। কিন্তু সেইটো সম্পূৰ্ণ কৰিবলৈ যে এইদৰে আধা জীৱন গুচি যাব তাৰ কোনো ধাৰণা তেওঁৰ নাছিল।
