গুৱাহাটী মহানগৰীত আজি আৰক্ষীয়ে মুঠ ১০৯ টা গৰু কঢ়িয়াই নিয়া প্ৰায় ছয়খন ট্ৰাক জব্দ কৰে।
গুৱাহাটীৰ ওচৰৰ খেত্ৰীত এই ট্ৰাকসমূহ আৰক্ষীয়ে জব্দ কৰে।
ঘটনাটোৰ সন্দৰ্ভত আৰক্ষীয়ে কমেও সাতজন লোকক গ্ৰেপ্তাৰ কৰিছে।
ইতিমধ্য গুৱাহাটী আৰক্ষীয়ে বিষয়টোৰ সন্দৰ্ভত অধিক তদন্ত আৰম্ভ কৰিছে।
“খেত্ৰী আৰক্ষী চকীৰ পূব গুৱাহাটী আৰক্ষী বিভাগৰ এটা দলে আজি ৰাতিপুৱা ৬ খন ট্ৰাক বাধা দি ১০৯ টা গৰু উদ্ধাৰ কৰিছে। এই সন্দৰ্ভত ৭ জন লোকক আটক কৰা হৈছে। এই সন্দৰ্ভত তদন্ত কৰা হৈছে।” গুৱাহাটী আৰক্ষীয়ে জানিবলৈ দিয়ে।
