দেশজুৰি তীব্ৰ জোকাৰণিৰ সৃষ্টি কৰা নাগৰিকত্ব সংশোধনী আইন খনৰ প্ৰতিটো দফা ৰূপায়ণ কৰিবলৈ কেন্দ্ৰীয় চৰকাৰ দায়বদ্ধ বুলি ঘোষণা কৰি থকাৰ সময়তে বাংলাদেশৰ পৰা বিতাড়িত ৬৩ টা হিন্দু বাংলাদেশী শৰণাৰ্থী পৰিয়ালক ভূমিৰ অধিকাৰ প্ৰদান কৰিলে উত্তৰ প্ৰদেশৰ চৰকাৰে।
আজি উত্তৰ প্ৰদেশৰ মুখ্যমন্ত্ৰী যোগী আদিত্যনাথে বাংলাদেশৰ ৬৩ টা হিন্দু শৰণাৰ্থী পৰিয়ালক থকা স্থান আৰু কৃষিভূমিৰ কাগজপত্ৰ বিতৰণ কৰে৷
উল্লেখ্য বাংলাদেশ আৰু পাকিস্তানৰ পৰা বহিষ্কৃত হিন্দু শৰণাৰ্থী পৰিয়ালসমূহক সম্পূৰ্ণ সংস্থাপন দিব বুলি আদিত্যনাথে বহু দিন পূৰ্বেই ঘোষণা কৰিছিল।
আদিত্যনাথে কয় যে বাংলাদেশ আৰু পাকিস্তানৰ পৰা বহিষ্কৃত হিন্দু শৰণাৰ্থী পৰিয়ালসমূহক উত্তৰপ্ৰদেশত ‘ভূমি বেংক’ৰ পৰা ভূমি আৱণ্টন দিয়া হ’ব৷
উল্লখ্যে বেদখলকাৰীৰ পৰা মুক্ত কৰা সকলো ভূমি ‘ভূমি বেংক’ৰ অধীনলৈ অনাৰ বাবে আদিত্যনাথে নিৰ্দেশ দিছে।
‘ভূমি বেংক’ৰ ভূমি বিদ্যালয়, উদ্যোগ স্থাপনৰ লগতে বাংলাদেশ আৰু পাকিস্তানৰ পৰা বহিষ্কৃত হিন্দু শৰণাৰ্থী পৰিয়ালসমূহক আৱণ্টন দিয়া হ’ব।
আজি সেই কাৰ্যসূচীৰেই আৰম্ভনি ঘটায় আদিত্যনাথে।