বলীউডৰ চেলিব্ৰিটিসকলে নিজৰ নিজৰ কেৰিয়াৰত আগবাঢ়ি যোৱাৰ লগে লগে তেওঁলোক অনুৰাগীৰ সংখ্যা ক্ৰমাৎ বৃদ্ধি পাবলৈ ধৰে। ইয়াৰ লগতে বহু অনুৰাগীয়ে তেওঁলোকক লৈ ফেচবুক, ইনষ্টাগ্ৰাম আদি চচিয়েল মিডিয়াত ফেন পেজ, গ্ৰুপ আদি গঠন কৰে। বহুতে নিজৰ শৰীৰত তেওঁলোকৰ ছবি, নাম আদি টাটু কৰি লয়।
আকৌ বহুতে বিভিন্ন বস্তুৰ নামকৰণ কৰে প্ৰিয় চেলিব্ৰেটিৰ নামেৰে। আনকি বলিউডৰ প্ৰিয় চেলিব্ৰেটিৰ নামেৰে নামকৰণ কৰে নিজৰ সন্তানৰ নামো।
তেনেদৰেই শেহতীয়াকৈ দেখিবলৈ পোৱা গৈছে বলিউডৰ চেলিব্ৰেটিৰ নামেৰে নামকৰণ কৰা কেইবাবিধো খাদ্য সামগ্ৰী তথা ব্যঞ্জনৰ নাম।
এনেদৰে বলিউডৰ চেলিব্ৰেটিৰ নামেৰে খাদ্যৰ নাম ৰখা ৭ টা খাদ্যৰ নাম তলত উল্লেখ কৰা হ’ল –
১. ৰিছা চাধা –
বলিউডৰ এগৰাকী মহময়ী অভিনেত্ৰী হৈছে ৰিছা চাধা। ২০১৭ চনত ৰিছা চাধাৰ ছবি “ফুকৰে ৰিটাৰ্নছ’’–এ মুক্তি লাভ কৰাৰ পিছতেই মুম্বাইত নতুনকৈ মুকলি হোৱা লাউঞ্জ নামৰ এখন ৰেস্তোঁৰাই ৰিছাক লৈ নিজৰ এটা ককটেলৰ নাম ৰাখিলে – ভোলী ভালি পাঞ্জাৱন।
২. দীপিকা পাডুকণ –
ৰূপালী পৰ্দাৰ আবেদনময়ী অভিনেত্ৰী দীপিকা পাডুকণৰ নামতো আছে এবিধ বিশেষ ৰেচিপি। আমেৰিকাৰ টেক্সাছৰ এখন ৰেষ্টুৰেণ্টে দীপিকা পাডুকনৰ নামেৰে নামকৰণ কৰিছে দক্ষিণ ভাৰতীয় খাদ্য ডোছাৰ এখন থালি।
৩. প্ৰিয়ংকা চোপ্ৰা –
দেশী গাৰ্ল হিচাপে খ্যাত প্ৰিয়ংকা চোপ্ৰাই অভিনয় কৰা Exotic নামৰ গানটোৱে মুক্তি পোৱাৰ পিছতেই মিলিয়নছ অৱ মিলশ্বেকে নিজৰ এটা শ্বেকৰ নামৰ ৰাখিছে – প্ৰিয়ংকা চোপ্ৰা শ্বেক। এই শ্বেক বিধত কল, আলমণ্ড, ভেনিলা আইচক্ৰীম, কেৰামেল চচ, আৰু জিনচেং ড্ৰিংক আদি উপাদান আছে।
৪. সঞ্জয় দত্ত –
বলিউডৰ বাবা সঞ্জয় দত্তই এবাৰ মহম্মদ আলী ৰোডৰ এখন ৰেষ্টুৰেণ্টলৈ গৈ এবিধ বিশেষ চিকেন ৰেচিপি অৰ্ডাৰ কৰিছিল। সঞ্জয় দত্তই সেই ৰেস্তোঁৰাখনত সেই বিশেষ চিকেনৰ ব্যঞ্জনখন অৰ্ডাৰ কৰাৰ পিছতেই ৰেস্তোঁৰাখনে সেই ব্যঞ্জন বিধৰ নাম ‘সঞ্জু বাবা’ নামেৰে নামকৰণ কৰে।
৫. অক্ষয় কুমাৰ –
ওমানত ‘ৱান্স আপন এ টাইম ইন মুম্বাই দোবাৰা’ নামৰ ছবিখনৰ চিত্ৰগ্ৰহণ কৰাৰ সময়ত অক্ষয় কুমাৰে এখন ৰিজ’ৰ্টলৈ গৈছিল, যিখন ৰিজ’ৰ্টে পিছত তেওঁৰ নামেৰে এটা ককটেলৰ নামকৰণ কৰে।
৬. সোণম কাপুৰ –
বলিউডৰ আকৰ্ষণীয় অভিনেত্ৰী সোণম কাপুৰৰ জন্মদিনত মিঠাই বিশেষজ্ঞ দিব্যা ৰংলানীয়ে এটা বিশেষ ৰেচিপিৰে এটা কেক তৈয়াৰ কৰিছিল। সেই কেকটো খাই অভিভূত হৈ পৰিছিল অভিনেত্ৰীগৰাকী। আৰু তাৰপিছতেই সেই কেক বিধৰ ৰেচিপিটো – সোণমছ স্পেচিয়েল’ হিচাপে পৰিচিত হৈ পৰিল।
৭. ববি দেউল –
বলিউডৰ সিংহ হিচাপে পৰিচিত চানী দেউলৰ ভাতৃ ববি দেওলৰ নামেৰে এটা কেক আছে। এই কেকটো ববি দেউলৰ পৰিয়ালে বিভিন্ন উৎসৱ পাৰ্বনত ব্যৱহাৰ কৰাৰ বাবেই কেকটো ববি দেউলৰ নামেৰে জনাজাত হৈ পৰে।
